IIIe. chevaliers estu cheval montez

Les portes sunt ouvertes, s'en ist tout abrivés.

As noches Ayglentine ara cops ja donnés.

Li amirans du Coine ne fu mie esperdus, II et Gui de Nantueil, ses amis et ses drus. Ayglentine et Flandrine lor ont mandé salus. Et Richier et Antoine, chascun est hors issus A tout .xvm. hommes as vers elmez agus. Il lessent aval courre parmi les prés herbus; Bien les ont escriez et durement férus. « Sainte Marie dame! dit Kalles li chanus, ce Je cuit li espouser sera moult chier vendus ; « Ne sera huimès clers ne prestre revestus. »

Li tornoi commencha devant les paveillons ; Les puceles s'en issent pour véir les barons. L'amirans point et broche et fiert des espérons, Et a fet une jouste à Hervieu du Lions. Grans cops se vont donner par desor lez blasons; De lor lances ont fet asteles et tronchons.

2807—2837 Gui de Nanteu i l. 89

Bien se tindrent andui , remés sunt es ardions. Ganor dist à ses nommez : ce Barons, quel la ferons? « Isson nous ent là hors avec nos compengnons; ce Se Dex plest, le matin tous les desconfirons. Il montent es chevax auferrans et gascons , Couvers de richez pailes et de biaus syglatons, Et portent seur lor lances enseignez et penons. Dame Aye les seigna de Dieu et de ses nons.

Ganor ist de Nantueil, il et sa compengnie ; Dame Aye les seigna du fix Sainte Marie. Chà dehors s'aresterent en une praerie.

De chen a fet Ganor moult très grant courtoisie, Ses compengnons atent, de bien fere lor prie. Et Pamirant du Coine de noient ne s'oublie, .VII. joustes i ot feites pour Pamour de s'amie. Elle le voit as iex, s'en a moult bonne vie. Antoine point et broche, s'a la hanste brandie , Et a fet une jouste à Basin d'Ivorie; Parmi toutes les armes le fer u corps li guie, Que mort l'a abatu, et l'enfes si s'escrie : « Mar avés nostre terre pour Hervieu envaïe. »

Ganor ist de Nantueil, le hardi combatans, Et ot en sa compengne .xxm. elmes luisans; Assés i ot ensengnez et gonfanons pendans. Après soi fet issir .XXXm. serjans, Puis se met en l'estour pour aidier ses enfans. Mar le virent venir, tous les fera fuians.

Kalles en apela et Naymon et Ogier :

« Pour Dieu! conseilliés moi, nobile chevalier. ce II ont fet lor serjans et jouster et rengier, ce Si nous voudront encui desconfire et cachier.

« Dex! dont vient si grant gent corn voi làchevauchier? « De tant heaumez luisant se puet on esmaier. ce Chertés, mar acointai chest cuvert pautonnier, ce D'entrer en autrui terre pour venir ostoier, ce Or y verroi mez hommes ocirre et detrenchier ce Que je ne lor pourrai secourre ne aidier. » Kalles plora des iex, moult pesa à Ogier.

ce Sire, ce distdusNaymez, s'il vous plestescouster, ce Pourquoi querés conseil quant croirre nel voulés? ce Je sai à ensient que assés i perdrés. ce Maintenés vos barons au miex que vous pourrez; ce Comment que li plet aut, n'en weil estre blasmés.» Le tornoi fu moult grant et li rens assés lés; A plus de .cm. hommes 1 vint Kalles armés. Il leur coururent sus, les frains abandonnés; Plus en ont mort de .c. et si les ont outrés. Ganor vint à l'estour, ne s'est pas oubliés, Les fuians encontra , ses a reconfortés.

Moult fu bon chevalier Ganor li arrabis. Les fuians encontra, sunt les chevax genchis; Chil leur coururent seure qui ont les cuers hardis. Là commenche .1. estour et .1. abatéis, Et d'une part et d'autre et la noise et li cris; De trois lieues loins les a l'en bien ois. Ganor vint à l'estour, ne fu mie esbahis, Richement fu armé d'un bon hauberc treslis; Va jouster à Girart le conte de Saint Lis. Par arme qu'il éustne pot estre garis; Et la lance et l'ensengne li a bouté u pis, Mort l'abat du cheval qui ot à non Floris. Quant le voient François, n'i ot ne gieu ne ris. ce Sainte Marie dame ! dist Kalles le flouris,

2870—2901 Gui de Nanteuil. 91

« En cheste praerie fu je ja desconfis! « Garissiez moi mon corps que il n'i soit honnis; ce Forment redout Guion quer trop est postéis. »

Ganor vint à l'estour et si riche baron , Armés d'aubers et d'elme et d'escu à lion. Atant es vous poignant et Ogier et Naymon. A merveille lor poise de lor seignor Kallon; Plus de .vu. en ont mors qui gisent u sablon. Et Pamirans du Coine a escrié Guion :

ce Compeins, que feites vous ? quer poigniés à bandon.» Si fist il tout armés, et si sist seur Veiron, Et a fet une jouste à Hervieu du Lion; Richement Ta féru très parmi le blason. Li escu de son col ne li vaut .1. bouton; Parmi le corps li met de la lance .1. tronchon Que mort Ta abatu du bon cheval gascon. Par contraire Papele, si l'a mis à reson : ce Hervieu, tenés m'amie, je vous en fes le don; ce Demain Pespouserés à tesmoi n]g de Ka.lon. ce Mez menti i avés très parmi le guernon. »

Moult fu grant li tornois sous Nantueil, en la prée. Il l'ont tant démené que nonne fu sonnée, Maint coup i ot féru et de lance et d'espée. Hervieu gist à la tere senglant, gueule baée; James nen iert par lui Ayglentine espousée, Ains l'aura li vallés de cui ele iert amée, Et Pamirant du Coine, Flandrine la senée; S'il la prent à moillier bien sera mariée. Antoine point et broche toute une randonée, Va ferir Amalgré seur la targe dorée Que il li a du col et partie et sevrée. Parmi le gros du cuer est la lance passée

92 Gui de Nanteuil. 2902—29$$

Que mort Ta abatu de la sele dorée.

Quant Ganor voit sez fix, merveilles li agrée.

Quant Ganor voit ses fix et Antoine et Richier, Merveillez li agrée qu'il sunt bon chevalier. Il a fet ses batailles plus près d'eus aprochier , Si a fet ses serjans et serrer et rengier; Maint quarrel i ont trait et sajetes d'acier. François se commencierent forment à esmaier; De l'estour s'en tornerent Alemant et Bavier, Et Pouhier et Flamenc et Brebanchon li fier. Gui en a apelé et Antoine et Richier : ce Pour Dieu! or du bien fere, nobile chevalier! « Entresiques as loges ne finon de cachier. » Onques puis ne fu povres qui là vout gaaingnier. Jusqu'as très as puceles ne voudrent atargier; Gui trouva Ayglentine desous .1. olivier, Par le poing l'a seisie, armé la vout beisier. Et l'amirans du Coine prist Flandrine au vis fier. Chascun leva la soe sus le col du destrier. A Nantueil s'en repeirent li vaillant chevalier.

A Nantueil s'en entra la grant chevalerie. D'autre part la cauchie, enmi la praerie, Se fu logié Ganor et dame Aye s'amie.

Et Gui et l'amirans orent moult bonne vie : En Nantueil sunt entré, chascun porte s'amie. Dame Aye d'Avignon a fet grant coui-toisie : Les degrez avala, s'a chascune saisie, U paies les mena, ové soi les en guie; N'i a chele des .II. ne soit moult bien servie. Kalles fu moult dolent, quoi que nus hons en die ; Il apela Naymon à la barbe flourie :

ce Conseilliés [moi I , pour Dieu, le fix Sainte Marie!

2934—2965 Gui de Nanteuil. 93

« Ma nieche en ont portée, ne sai s'il l'ont honnie ; « Se atendon demain jusqu'à l'aube esclarchie, « Jamez ne renterron en France la garnie.

— En la moie foi , sire , che dist Naymez le ber, « N'a si sage homme u monde conseil vous puist donner. « Qui veult prince déterre destruire ne mater, oc Desconfire en bataille ne sa terre gaster, « Ne doit pas contre lui nul estour affier , ce Mez ses os assembler et seur lui chevauchier. « N'i a autre conseil fors que de l'acorder. ce Or mandés le vallet qu'à vous viengne parler, « Si i viengne Ganor et Aye 0 le vis cler; ce Otroiez li s'amie , soies à Pespouser, « De vous tiengne Gascoigne si que 1] voient si per.

— Hé Dex! dist l'emperere, qui m'i pourra aler?

— Sire, che dist dus Naymes, je me vois aprester.

— Or alez dont, [dist] Kalles, Dex penst du retorner ! ce Je cherqueroi les mors, ses feroi enterrer. »

Naymez i a mené le bon danois Ogier.

Il ne vont mie seul à Nantueil chevauchier; Entr'euls .11. n'i menèrent c'un tôt seul escuier. Entresic'à Nantueil ne voudrent atargier, Et trouvèrent Guion en son paies plenier, Le riche roi Ganor et Aye sa moillier, Et l'amirant du Coine , et Antoine, et Richier. Quant Gui voit les mesages, ses courut embrachier : ce Seignors, venés laver, s'aserron au mangîer.

— Sire, ce dist dus Naymes, nous sommes mesager: ce Ja vous mande le roi qui France a à baîllier

ce Qu'à lui veigniés parler desous chel olivier, « Et si i viengne Ganor et Aye sa moillier.

— Sire, ce dist Guion, je m'en weil conseilliez

94 Gui de Nanteuil. 2966—2997

— Conseil , che dist Ganor, n'i aroit nul mestier ; « S'il vous osent conduire , pensés de l'esploitier.

— Oïl, che dist dus Naymes, s'estiés .111. millier. « D'un riche guerredon vous voudroie prier,

« Que me rendez Morel qui tant fet à proisier; « Longuement l'ai eu , si l'avoie moult chier.

— Par foi, che dist Ganor, ja véer nel vous quier.» Il l'a fet amener et à Naymon baillier ,

Et il ne[lj rendist mie pour le trésor Gaifier.

Le vallet est montez, il et si compengnon, Et issent de Nantueil à coite d'esperon. Ogier et li dus Naymes envoient à Kallon Que il s'en isse hors et si riche baron. Si fist il tout armé seur .1. cheval gascon. Li parlemens assemble chà dehors u sablon ; L'emperere de France les a mis à reson : « Qu'avez fet de ma nieche, fille fu au Frison ? » Dist l'amirans du Coine : « Je l'ai en ma prison; « Se vous la me donnez, je guerpiroi Mahon. ce Amirans sui du Coine, bien ai ma garison. » Et respont l'emperere : ce A Dieu benéichon ! ce Et la bêle Ayglentine otroie je à Guion ; « De moi tiengne Gascoigne et l'onneur environ.

— Vostre merci, biau sire, dist Aye d'Avignon. « Ja l'engendra Garnier le preus, le fix Doon, ce Que tu féis nourrir petit en ta meson.

ce Longuement te servi du roial gonfanon; ce En traïson l'ochistrent li parent Guenelon. » Dame [Aye] li beisa la bouche et le menton , Doucement le mercie de Dieu et de son non.

Chele nuit le lessierent desic'à l'ajournée Qu'il ont toute la pes pourquise et pourparlée,

3998—3019 Gui de Nanteuil. 95

Et Peve benéeite preseignie et sacrée,

Et Pamirant du Coine crestienté donnée,

Et toute sa mesnie aussi crestiennée;

Et qui chen ne vout fere, s'ot la teste coupée.

Voiant le roi de France a sa nieche espousée ,

Et Gui prist Ayglentine que tant avoit amée.

Grans nochez i ont feites sous Nantueil en la prée;

Ensemble ont sejorné, moult lor plest et agrée.

Ses frères beisa Gui , mainte lerme a plourée.

Dame Aye d'Avignon chiet à terre pasmée,

Et Ganor l'en redreiche, si l'a reconfortée.

La mesnie Ganor s'en est en mer entrée ;

Il ont drechié lor sigle et la voile levée.

Et chascun des barons s'en va en sa contrée ;

De cheus qui mors i sunt est il chose passée.

Kalles vint à Paris en la soe contrée ;

Moult maudit les traîtres qui cheste oevre ont brassée,

Et l'ame de Hervieu qui gist gueule baée,

Sanses et Amalgré qui en ont lor soudée.

Sachiez que chi endroit est la canchon finée. Dex vous garisse tous qui l'avez escoutée , Par si que moi n'oublit qui la vous ai chantée !