SIÈGE DE [22 JUIL

à Monseigneur le Prince en a esté libéralement rémunéré.

Durant toutes ces escarmouches bien chaudes (où l’une et l’autre partie se remue tellement , qu’il semble plustost que ce soit une bataille que des escarmouches), le sieur de Rilioven avec les autres capitaines de cavallerie Van der Wel, et le sieur de Brouchem , tiennent bon sur la place qu’ils ont occupée, quoy qu’à la miséricorde des mousquetades, ayaus tousjours l’œil sur l’iufantrie, afin de la soustenir, et luy servir d’escorte pour sa retraitte.

Il n'y a pas moins de science à faire une belle retraitte , qu’à marcher bravement à la charge. Les troupes donc ayans bien fait leur devoir, et donné ce bon-jour à l’ennemy, se retirent en bon ordre, marchant vers la ville, et amenans le corps mort du capitaine Siton tué sur la place , en laissèrent quelques uns jusques au lendemain. Les blessés furent le lieutenant colonel Alan Coutis, capitaines Courtenè, Bruce, Kilgré, avec quelques officiers et soldats tous ensemble jusques environ quatre-vingts, desquels bien peu moururent, la plus grande partie se guérit heureusement par la grâce de Dieu, et est bien tost remise en bon poinct pour manier les armes, voire plusieurs d’iceux ne laissèrent pas pour leurs blessures de monter en garde, et continuer en toutes les fatigues ordinaires comme auparavant. L’on tient pour certain que le nombre des tués et blessés de l’enuemy est sans comparaison plus grand que des nostres. Ce qui appert évidemment par la grande multitude de chariots qui emmènent par après les blessés vers Anvers. Si Saiil en a tué dix, David en

[22 JUIL.] BEBGUES SUR LE SOOM. 77

a bien tué cent. Or puis que tels exploits se font en l’enfance de ce corps qui ne vient que de naistre et veoir la lumière, que sera-ce donc en son adolescence, voire que sera-ce en sa virilité? Quelle sera la catastrophe puis que le prologue se joue de ceste façon ?

Plusieurs discourans à perte de veue , ou descrivans témérairement ceste sortie , s’esgarent en des opinions obliques, ne suivans point le droit fil de la vérité ; ains prenans la traverse de leurs passions, quittent le grand chemin et s’approchent des précipices. Leurs discours sont des nuées noires et espesses, qui ne se crevent jamais sans quelque tonnerre de mesdisances, d’injures, et de calomnies. Ils se plaisent extrêmement à débattre les raisons et les causes pourquoy le quartier de l’ennemy n’a esté emporté tout d’un coup : soustenans que si l’on eust fait cecy ou cela selon leur jugement, pour certain il estoit battu à plattes coustures sans espoir de ressource, et la ville aussy tost délivrée qu’assiégée. Ils rejettent tantost sur l’un et puis sur l’autre la cause des malheurs, et tousjours leur opinion est farcie de drogues de la haine ou d’un zèle inconsidéré qui les transporte. Semblables aux serpens qui se nourrissent tousjours de quelque chose, ils se plaisent plus aux éclipses qu'aux rayons du soleil, s’esjouissent plus à esplucher et produire en lumière la honte de quelque faute, quelque petite qu’elle soit, qu’à raconter les louanges des faits et dicts mémorables. Mais la vertu esmousse la pointe de toutes calomnies; la force d’icelle triomphe eu la fin contre les efforts de leur malice. Etvoilà cequi contente le plus les esprits

[» JÜIL.]

généreux, et les fait passer outre, pour plustost mespriser et fouler aux pieds, que faire cas des mesdisances, comme si un asne leur avoit donné un coup de pied.

Les vertus principales sur toutes requises en un guerrier sont courage et fidélité. Qui est celuy qui oseroit accuser de poltronuerie ou de lascheté un de tous ceux qui ont ou projetté, ou dirigé, ou exploitté ce dessein? Car encor que nul d’eux n’en vueille faire bruit ny parade devant le monde, si ne faut il pas juger par là qu’ils ayent bonté de ce qu’ils ont fait, ou crainte de n’en savoir respondre par bonnes et solides raisons, mais plustost imputer cela à leur preud’hommie et générosité vrayement vertueuse, qui ne liait rien tant que de chanter ses propres louanges : un combat leur seroit à moindre charge, que le discours de leurs combats. Le dire osteroit la grâce du faire, pour n’estre donné à la langue, ni à la main des Muses, de naïfvement peindre les coups de la main de Mars, non plus qu’aux peintres les esclairs et la roideur du foudre. La vertu ne cerche point de plus ample ni plus riche théâtre pour se faire veoir que sa propre conscience : Plus le soleil est haut et moins fait il d’ombre, plus la vertu est grande, moins elle cerche de gloire : gloire vrayement semblable à l'ombre qui suit ceux qui la fuyent, et fuit ceux quilasuivent. Nous ne devons recerclier autre récompense de nos travaux vertueux, que la conscience d’avoir bien fait, et tascher que le tesmoignage en soit plustost gravé dans nos propres cœurs en vérité, que sur las langues des autres, ou sur le front des œuvres publiques. C’est quelques-fois uu

[22 JUIL.] BKEGUKS 81R LE S00M. 79

plua grand honneur de n’avoir pas ce que l’on h mérité, que de l’avoir. Il m’est plus honorable, dit Caton, que chacun me demande pourquoi] Ton ne m'a point dressé de statue en la place, que si l’on demandoil pourquoy Von m’en a dressé. Bref, tenons pour maxime, que le fruict des belles actions est de les avoir faites, et que la vertu ne sauroit trouver hors de soy en ce monde récompense digne d’elle.

Toutesfois nous voulons bien que tou3 sachent que nostre intention n’est pas de nous estendre au long et au large, pour ayans examiné le tout, et espluehé par le menu de poinct en poinct chaque particularité qui pourroit estre balancée en cest acte tant notable, puis après en tirer une conclusion, qui, ou redonderoit au détriment et préjudice d’autruy, ou nous pourroit rendre ridicules. Qu’aussy nous n’instituons pasicy une apologie formelle, pour justifier tout ce qui s’y est passé, comme si la moindre faute n’y pourroit avoir esté commise; ou bien tombons en l’autre extrémité, condamner le tout pour quelques petits abus qui y seroyent survenus par mesgarde. Nostre but est de tenir le milieu en disans la vérité, et laissans à chacun son honeur inviolé, de rendre sur tout l’honeur de tout au Dieu des battailles.

De dire qu’il n’y ait pas eu de faute, ce seroit flatter et mesme desmentir ceux qui y ont esté présens, voire de la partie, et au milieu des troupes. De la descrire pour en faire sages nos ennemis et mieux advisés à l’advenir, ce seroit faire contre nos consciences et le service de l’Estat. De la dépeindre pour vouloir dénigrer tant de gens de bien, ce seroit con-

[22 JUII..]

tre la charité. De marquer d’infamie ceux qui par omission ou mesrne commission auroyent esté cause de quelque faute, ce seroit faire tort aux mérites de leurs belles actions qui ont ensuivy puis après jour pour jour jusqu’à la fin de ce siège. Bref de la vouloir déchifrer pour les reprendre ou instruire, ce seroit folie, veu qu’ils la savent mieux que ceux qui ne sont pas du mestier, et qu’il vaut tousjours mieux apprendre que reprendre.

Et puis que l'on juge ordinairement des actions de l'homme par les événemens, comme des arbres par leurs fruicts, comment pourroit on mal juger de ceste sortie, veu les eflfects excellents qu’elle a produits. Car, encor que l’ennemy ne soit chassé ni deslogé de son quartier, que cecy ne luy face donner du tout du nés en terre, ne luy oste pas le pouls et tout mouvement à ses membres, l’âme ni tous les esprits ne luy estans point arrachés du cœur par ce coup effroyable, qui fut porté jusques au dedans de ses entrailles : si est ce que cecy rend l’entrée du siège non seulement affreuse à ses yeux , mais aussy de bon augure à nos gens. Lors voit on combien de vraye et profonde vilainie est cachée sous une splendeur empruntée, combien de couardise masquée d’une apparence de courage. Cecy luy fait palpiter le cœur, battre le pouls, et treinblotter les artères d’un mouvement altéré, estant saisi d’une frayeur qui le tient en tressueur 1 continuelle si longtemps que le siège dure. Pour le moins, ceste pierre jettée

1 Tressueur. — On disait jadis tressuer pour tressaillir, c’est avec ce verbe , aujourd'hui vieilli , que les auteurs ont formé le substantif, il signifie par conséquent, tressaillement.

(22 JüIL.]