ADVERTISSEMENT

au Lecteur.

Amy lecteur , vous serez aduerty, que ie ne feray aucune répétition des choses que le Reuerend Pere Claude a escrit en son histoire, seulement i’adiousteray ce que l'experience m’a donné plus quk luy, n’avant esté que quatre mois dans Maragnan et moy deux ans entiers: vous trouuerez ceste verité; quand vous conférerez nos deux escrits ensemble; d’autant que l’addition que i’en feray, supposera ce qu’il en aura escrit de mesme matière.

PREFACE Svr les devx

Traittez suiuans.

La Sapience , aux Prouerbes 29. propose vn enigmetres-beau en ces paroles: pauper & diues obuiauerunt sibi, vtriusque i llumin ator e st Dominus: I’ay veu le pauure sortir d’vn hospital chargé de playes et d’vlceres, couuert & non vêtu de vieux haillons, marcher en la place publique, & entrer dans le temple du Seigneur par la porte du midy: & en mesme heure i’ay considéré le riche sortir de son Palais bien vêtu de soye, & paré d’or, d’argent et de pierres précieuses, venir le lôg de la voye qui s’aboutit a la porte du Tabernacle du coté de Septentrion, si à propos, que l’vn & l’autre, le pauure & le riche, se sont rencontrez teste à teste, front a front, droict au milieu du grand rideau du Sancta Sanctorum, ou la face du Seigneur rend vne si belle clarté, que le visage de ces deux rayonnoit d’vne mesme splendeur Diuine. Voila ce que veut dire la Sapience sous l’obscurité de ces paroles.

LAISSONS les diuerses explications mystiques

et spirituelles qui se peuuent tirer de la, & prenons seulement celle qui faict a nostre subiect, laquelle nous auôs mise pour frontispice k nostre liure.

Ce pauure est le pere Sainct François, et les Religieux de son Ordre: Ce Riche est la Royale puissance de sa Majesté très - Chrestienne procedee de la tige sacree du Roy Sainct Louys. Quand est ce, & en quel lieu, ce Pauure, & ce Riche se sontils trouuez k la rencontre? c’a esté véritablement en la Mission Euangelique pour conuertir les Indiens. Le troisiesme s’est trouué entre les deux, scauoir est, ce grand Dieu illuminateur des pécheurs, gisans sous les tenebres de la mort.

LE panure Sainct François a faict dans les Indes, ce que disoit Sainct Paul, en la conuersion des Gentils; Ego plantaui, I’ay planté la Foy parmy les Sauuages de Maragnan: Sainct Louys protecteur de la France & Ayeul de nostre Roy respond, suiuant la promesse faicte quâd nous embrassâmes ceste entreprise, Rigabo, le l’arrouseray, & ne permettray qu’elle se fiestrisse, faute de luy donner soulagement. Car ce n’est rien, de planter, si l’humeur màque k la racine qui refocille la plante nouuelle: autrement l’ardeur du Soleil secheroit le tout: Et nostre Dieu qui suit tousiours la disposition des subiets, asseure infalliblemët qu’il donnera augmentation k l’entreprise, Incrementum dabo: Et ce par vne lumière plus grande de iour en iour des mystères de nostre Foy versee sur ces Indiens obtenebrez de l’ignorance, vtriusque illuminator estDominus, Le Seigneur est le flambeau de tous deux.

Qui le peut mieux scauoir que les Sauuages, lesquels en rendent témoignage par les Baptesmes qu’il ont receu de nos mains, & la promesse comme generale de se faire Chrestiens? c’est pourquoy ils font responce, credimus. O pieté Royale, vous n’auez point perdu vostre temps de nous auoir enuoyé les messagers de l’Euangile.

Svitte de L’Histoire des choses plvs mémorables aduenuës en Maragnan es années