A MADAME LA MARQUISE DE RAMBOUILLET

Madame ,

Quand mes liberalitez seroient, comme vous dites, plus grandes que celles d'Alexandre, elles seroient trop bien recompensées par les remercimens qu'il vous a plû m'en écrire. Lui-

| mesme, quelque démesurée que fust son ambition, il l'auroit bornée à vue si rare faueur: il eust plus estimé cet honneur que le diadesme

il des Perses, et il n'eust pas enuié à Achille les louanges d'Homère, s'il eust pu auoir les vostres. Aussi, Madame, dans la gloire où ie me trouue, si ie porte enuie à la sienne , ce n'est pas tant à celle qu'il s'est acquise, qu'à celle que vous lui auez donnée; et il n'a point receu d'hon-

j neurs que ie ne tienne au-dessous des miens,

( I si ce n'est celui que vous lui faites, en le nora-

j mant vostre galant. Sa vanité ni ses flatteurs

ne lui ont iamais rien fait accroire de si avan-

i tageux, et la qualité de fds de Iuppiter Ammon

n'estoit pas si glorieuse que celle-là. Que si rien ne me console dans la ialousie que i'en ay, c'est, Madame, que vous connoissant comme ie fais, ie sçay que si vous luy faites cette faueur, ce n'est pas tant pour ce qu'il est le plus grand de tous les hommes, que pour ce qu'il y a deux mille ans qu'il n'est plus. Quoy que ce soit , on peut voir en cela la grandeur de la fortune, laquelle ne le pouuant encore abandonner tant d'années après sa mort, adjouste à ses conquestes vue personne qui les releue plus que la femme et les filles de Darius , et luy a fait gagner vn esprit beaucoup plus grand qu'il a dompté. Iedenrois craindre, par vostre exemple, d'escrire d'vn stile trop esleué ; mais en peut-on prendre un trop haut, en parlant de vous et d'Alexandre? le vous supplie trèshumblement de croire, Madame, que i'ay pour vous la mesme passion que vous auez pour luy, et que l'admiration de vos vertus me fera tousiours estre ,

Madame