A CAUSE DE LA GUERRE DE

...Est advenu que au caresme de ce dit an une partye du camp de mons'. le marquis de Warembon allant advitailler la ville de Handecourt vinrent loger audict village d'Ervillers deux compagnies de chevauk des ordonnances de Sa Majesté qui estoyent plus de quattre cens chevaulx, tellement qu'il n'y avoit maison de laboureur qu'il n'y euct 25 à 30 chevaulx logés et en oultre des moutons qu'ilz mengerent et emportèrent, firent un tel oultraige aux habitans que une partie abandonnèrent leurs maisons.

Item le jour de la bataille de Dourlens vinrent aussi loger audict villaige deux compagnies de chevaulx venant de la garnison du Castelet pour aller au camp dudit Dourlens , lesquels firent sur les advesties grands ravages , donnant à leur voulonté lesdictes advesties à mengier à leurs chevaulx.

Item le 17. ■■ jour de septembre plusieurs soldats espagnols avecq leurs quesons (caissons) sont venus de forche pillier et fourragier les villageois et oultre

quil y eust ce jour un home tué et deux bleschiez qui ne sont encore gueriz, ont iceux soldats emporté grand nombre de mencaulx d'avoine aux dits habitans.

...Et au temps que lesdictz habitans pensoyent aller moysoner les grains restant, ont esté comtrainctz aller ouvrer de pyoner au camp de Cambray par trois diverses foys, tous partans chacun par fois pour douze jours.

..Sans mectre en compte les paissages des soldats allans , venans et mengeans le bien desdictz habitans , tellement qu'il leur est impossible avoir quelque pièche de mesnage en leurs maisons.

(Extrait des Archives de M. le duc de Luynes — Document communiqué par M. H. Dusevel.)