FRANÇOIS I." A AMIENS
DENIERS PAIEZ PAH LE GRANT COMPTEUR DE LA CHARGE ET PAR ORDONNANCE A LUT FAICTE PAR MESDICT8 SIEURS LES 17, 18 ET 19." JOUR pU MOIS DE JUING, L'aN DE CE COMPTE 1517 - 1518 , A LA JOYEUSE ENTREE DO ROY NOTRE SIRE ET DE LA ROYNE QUI FUT FAICTE EN CESTE VILLE.
A esté paie par le grant compteur aux six trompettes du roy nostre sire , le lendemain du joyeulx advenement et entrée faicte par ledict seigneur et la royne en ceste ville d'Amiens, la somme de 12 livres.
Item , aux trois heraulx d'armes dudict seigneur , assavoir : Moirie . Normandie et ,à chacun ung escu d'or qui font 6 livres.
Item, aux trois heraulx de la royne , assavoir : Bretaigne , Vannes et Hennebourg, trois escus 6 livres.
Item, aux fourriers dudict seigneur a esté donné 8 escus soleil de 16 livres.
Item, aux fourriers de la royne aussi deux escus de 4 livres.
Item, aux sergens de monsieur le pruvost de l'hostel dudict seigneur, assavoir Jehan Trenneçon et Jehan Leuret, deux escus de 4 livres.
Item, aux huissiers de la chambre dudict seigneur, assavoir Rostain, Marguerite et Michellet, quatre escus de 8 livres.
Item, aux huissiers de la chambre de la royne , Jacques de Ponty et Lagarde , quatre philipus d'or de 105 sols.
Item, aux laquayes (sic) du roy, quatre escus soleil de 8 livres.
Item, au laquaye de la royne, quatre philipus de 105 sols.
Item, aux portiers du roy, Georget, Mongeront et Estienne de Lagrange, autres quatre philipus de 105 sols.
/fem, aux portiers de la royne, Jehan Guillonet et Jacques Pignart, ung escu soleil de 40 sols.
Item, à Andrieu Gallois et ses compaignons, huissiers d'armes du roy, quatre philipus de 105 sois.
Item, à Pierre Ryot et Guillaume Quielletot, conducteurs de la lictière de la royne, deux philipus de 52 sols 6 deniers.
Item, à Guyant Chenniaulx pour luy et trois autres ses compaignons, huissiers de salle de la royne, un escu soleil de 40 sols.
Oultrfe a esté paie à Pierre Obin la somme de quatre livres pour seize grans penniers ou caigcs qu'il a livrés pour mettre les oiseaux, oignes , hérons , faisans et plusieurs autres volilles présentés au roy nostre dict seigneur le lendemain de sa dicte entrée, pour ce 4 livres.
A esté pareillement paie à Quentin Coppin , hcrault d'icelle ville , pour avoir esté par trois jours à Corbie, à Daours, à Querrieu et autres lieux pour savoir et apporter nouvelles du grant compteur qui estoit en court pour les affaires de la dicte ville à l'occasion de l'entrée du roy et de la royne qui le 17," jour de juing ariverrent en ceste dicte ville S par mandement icy 36 sols.
Audit grant compteur pour avoir esté par diverses foys à Corbie faire ad-
vertir le roy, par monsieur le grant-maistre et autres, ad ce que son plaisir fut de venir et arriver en ceste dicte ville par la porte de Montrescu et savoir se son plaisir seroit de, à son entrée, faire descharger artillerie sur la muraille d'icelle ville , . . . 9 livres 12 sols.
Aux cœuUeuvriniers qui ont servi à eulx habiller de nœuf à ladicte entrée du roy, la somme de 25 livres pour aidier à supporter les frais et mises quilz ont fait à l'entrée 25 livres.
A Jehan Davesnes potier d'estain , la somme de 14 livres pour 35 petis potz à pied quil a fait, esquelz ont esté présentez les vins dont ont esté fais les présens du roy, à la royne, à Monsieur et autres princes et seigneurs du sang, à leur nouvelle et joyeuse entrée faicte en ceste dicte ville .... 14 livres.
A Guillaume Arthus, paticher, 13 livres 11 sols à luy deus pour despence faicte par mesdicts seigneurs maïeur, eschevins, advocatz, procureurs et autres officiers d'icelle ville le jour que le roy et la royne feirent leur nouvelle et joyeuse entrée en ceste dicte ville, auquel jour chacun de mesdicts seigneurs se trouvèrent ensemble par récreacion, et pour donner ordre aux affaires 13 livres 11 sols.
Audit Arthus la somme de 6 livres 9 sols à luy deue pour despence faicte par mesdicts seigneurs à ung disner le lendemain que le roy et la royne feirent leur entrée en icelle ville , auquel jour mesdicts seigneurs feirent faire au roy et à ladicte dame les présens qui avoient esté adviscz estre fais à leur nouvelle et joyeuse entrée 6 livres.
Audit Arthus 4 livres tant pour despence faicte en sa maison que viande par luy livrée durant le temps que les fourriers du roy et de la royne ont vaquié à faire les logis desdicts seigneurs et dame et de leur train en la ville d'Amiens; à faire lesquelz logis ont assistez deux des eschevins d'icelle ville pour prendre garde que les habitans ne fussent trop foulez et pour les conduire icy. 4 livres.
A esté paie à Jehan Revelois, tavernier, la somme de 70 sols pourcincq
' Le père Daire s'est trompé en avançant dans son Histoire de la ville d'Amiens , lom. l.''"' pag. 237, que le roi, la reine, etc. auraientfait leur entrée à Amiens le 29 mai, puisqu'ils n'y arrivèrent que le 17 juin, d'après le registre aux comptes que nous transcrivons.
ponchons de vin qu'il a livrés à monsieur de Vendosme , à monsieur le grantmaislre, deux aultres , et ung à monsieur le prince de Thalemont , à leur entrée avec le roy en ceste ville d'Amiens, icy 70 sols.
A esté paie à Guillaume Arthus et à maistre Jehans, patichers, la
somme de 50 livres a eulx due pour avoir esté quérir hérons, signes, faisans et autres volilles du pays de Flandres , pour faire présens au roy nostre dit seigneur à sa joyeuse entrée faicte en ceste dicte ville, ci . . . .50 livres.
A Mahieu Gauguier la somme de 40 sols à luy deue pour avoir
livré les custodes de cuir couvert de velours où les chiefs saint Jehan, qui ont esté donnez et présentez assavoir à la royne, à madame d'Angoulesme et à madame d'AUenchon, ont esté mys,icy 40 sols.
A esté paie à Pierre Leroy et Jehan Tategrain, bouchers, la somme de six vingt livres tournois , en tant moins de 12 vingt livres seize sols à eulx due pour les bœufs et moutons par eulx livrez et qui ont esté présentez au roy nostre sire à sa nouvelle et joyeuse entrée, etc 6.^^ livres.
A sire Simon Sauvage, prebtre, la somme de dix livres tournois que mesdicts seigneurs ont ordonné luy estre paiée pour ses peines et salaires d'avoir composé plusieurs mistères et histoires à la joyeuse entrée du roy et de la royne en ceste dicte ville d'Amiens 10 livres.
A Andrieude Moncheaux, paintre, la somme de cent solz tournois pour
avoir, de la charge et commandement de mesdicts sieurs , paint d'or et d'asur les huit bastons qui ont servy à porter les poilles du roy et de la royne à leur nouvelle et joyeuse entrée 100 sols.
A Noël Dupuiche, maistre des archiers de ceste dicte ville, la somme de 25 livres pour luy et ses dicts compaignons archiers, pour aidier à susporter la despence et frais de leurs habillemens par eulx fais à la joyeuse et nouvelle entrée du roy et de la royne 25 livres.
A Jacques Lefeure, huchier, 50 sols pour les cassis et bastons des deux poilles qui ont servi au roy et à la royne à leur dicte entrée ... 50 sols.
Aux maire et clers de ceste ville d'Amiens la somme de 8 livres que mes dicts seigneurs ont ordonné leur estre paiée pour aidier à supporter les mises et frais quilz ont faictz aux jeux des barres quilz ont soustenus par ordonnance de mes dicts sieurs durant le tamps que le roy et la royne estoient en ceste dicte ville, icy 8 livres.
A Acard Pecoul, maistre des archiers du petit serment, la somme de 20 livres pour luy et ses compaignons archiers, pour supporter aux habillemens par eulx faits à ladite entrée du roy et de la royne 20 livres.
( Extrait du registre aux comptes de la ville d'Amiens du 28 octobre 1516 au 27 octobre 1517, côté 91.° 7. 3. — Communiqué par M. H. Dusevbl.)
■i^-C-O-e-^Br-.. —
