MARGUERITE

moit que de son gré il avoit esté crucifié pour nostre rédempcion, le prévost commanda qu'elle feust mise en chartre, et le jour ensuivant il la fist appeller devant luy et luy dîst : Vaine et vnde pucelle, aies pitié de ta beauté et aoure nos Dieux , auquel elle dist : je aoure cellui que la terre tremble, la mer double et les vens et toutes créatures craingnent, à laquelle le prévost dist : Si tu ne consens à moy, je feray desrompre ton corps; auquel Marguerite dist : Jesus-Crist bailla soy-mesmes à mort pour moy, et pour ce ne doubte-je pas à mourir pour Jesus-Crist. Et donc le prévost commanda que elle fust estendue ou tourment de fouet, et que elle fust si forment battue, que le sang decourust aussi de son corps comme d'une fontaine très-pure, et ceux qui là estoient plcH roient et disoient : Marguerite vraiment nous te plaignons moult pour ce que nous veons si laidement desrompre et detranchir ton corps.

Haa, quelle beauté as- tu perdue pour ta mes? créantise! croy au moins orendroit si que tu vives. Àusquels elle dîst : Haa, mauvais conseilliers, passez- vous en de cy et vous en alez; le tourment de char est sauvement de m'âmç,

i8o SAINCTE

et dont elle dit au prévost : Chien de sugonde et non saoulable, tu as bien poesté en la char , mais Dieux garde l'âme. Et le prévost couvroit sa face de son mantel, que il ne povoit veoir si grant effusion de sanc ; et après ce il la fist oster et enclorre en la chartre, et merveilleux resplendisement estoit dedens. Et quant elle fu en la chartre, elle depria notre Seigneur que il li démonstrast visiblement celli qui se combattoit à elle; et dont vint un très-grant dragon et s'apparut illec. Et si comme il l'assailloit pour dévourer, elle fist le signe de la croix et il s'esvanouy, ou si, comme il est leu ailleurs, il ly mist la bouche sur la teste et la langue soubs les piez et l'angloutist tantost; mais quant il la 'vouloit gloutir, elle fist le signe de la croix , le dragon creva tantost, et la vierge s'en yssy toute saine, et dont le deable de rechief vint à elle et s'en va en forme d'orne pour décevoir la. Et quant elle le vit , elle se mit en oroison; et quand elle se fu levée, le deable vint à elle et la prist par la main et li dist : Gesse toy de ma personne et te souffise ce que tu as fait; et dont le prist par les cheveulx et le jetta à terre et ly mist le pied dessus le

MARGUERITE. *8i

haterel et ly dist : Estent toy, ennemy, sous les piez d'une femme, et le dyable crioit : Haa, benoiste Marguerite, je suis seurmonté; se un jouvencel m'eust batu ne me chausist; maiz je sui seurmonté d'une pucelle tendre, et pour ee ne veuil-je plus que son père et sa mère ont esté mes amis; et dont le contraint-elle tant que il ly dist pourquoy il temptoit si souvent les cres tiens, et il respondi que il avoit naturel haine contre les hommes plains de vertu; et ja soit ce qu'il soit souvent déboutez d'eulx, si les enchace-il toutefois pour désir de décevoir les; et pour ce qu'il a envie du bien de Pomme pour la beneurté qu'il perdi, ja soit ce qu'il ne la peut recouvrer, si la cuide-il touzjours oster aux autres. Et encore, dist-il, que Salemon avoit encloz en un vaissel de voirre très-grant multitude de deables; maiz, après sa mort, les deables mettoient hors feu de ce vaifisel, si que les hommes cuidèrent que il eust illec grant trésor , si froissèrent le vaissel, et les deables s'en issirent et emplirent l'air.

Et quant il ot ce dit , la vierge leva son pié en disant : Fuy t'en chétif , et tantost le dyable