SAINCTE

s'esvanouy. Et donc fu-elle seure , car qui a vaincu le prince sans douhte puet bien seurmonter le ministre, Et le jour ensuivant le peuple s'assembla et elle fut présentée au juge. Et dont ne voit-elle sacrefier à leurs dieux, et le corps de li fu brullé de brandons ardens si que tous se mervei lièrent comment si tendre pucelle povoit souffrir tant de tourmens , et après ce il la fist mettre en un vaissel plein d'eaue bouillante, et lier si que pour le mouvement des peines la force de la douleur creust et tantost soudainement la terre trembla et fist très fort temps , et la vierge en issi sans lésion et dont V mille hommes crurent en Dieu et furent décolez pour le nom de Jesus-Crist. Et dont le prévost se doubta que les autres ne se convertissent, et fit hastivement décoler la benoitte vierge Marguerite , et celle requist espace d'aourer pour elle et pour ses persécuteurs , et pour tous ceux qui feroient mémoire d'elle et la reclameroient dévotement. Et si aoura moult doucement et dist que quiconque femme qui la requerroit en péril d'enfantement que elle meist hors sa lignée sanz nulle bleçeure , et remainsist la femme toute saine. Et son oroi-