SAINCT

et les Bretons pour ses maudissons souffrirent moult 'de pestilences; et il leur donna de rechef sa bénéysson et les absolut , et guérit. [Les faicts de celluy. Gestuy fut né de nobles parents, et dit-on que il fut né en Bretaigne la petite, et sa mère estoit de l'aage de lxvi ans et estoit seur de Hamon, père (de) Sainct Sanson, et de Vindrasel, père Sainct Magloire. Et donc sa mère vint la vigile de la Saincte Pasques à veiller et à orer en ung monstier qui estoit en une vallée qui est dicte Cardanne, duquel monstier Brandain estoit abbé, et là enfanta son enfant celle nuict, lequel. Sainct Brandain baptisa et eut nom Maclou, et fut son fils espirituel et le nourrit de là en avant, et renseigna de lettres. Et jaçoit ce que il estoit bien tendre d'aage, si estoit-il fort par courage et estable par pesanteur et fondé par engin, et ce tesmoignoit l'amour de Dieu, qui eschauffoit en soy la vigueur forte de petit corps en telle manière, que quant ses compagnons en discipline estraignoient les dents par très-grant froid, il estoit eschauffé en esperit de l'amour de Dieu, qui luy eschauffoit le corps, si que