XXXVI

685 Li doy noble baron ont encherchiet l'enfant, Si ont dit a Butor : « Sire, venés avant : « Nos vous avons couvent que puis ore en avant « Que jamès ou chastel ne serons retournant, « S'avra vos filz esté ou bois de Bcrsillant,

690 « Par desous la fontaine et le gravier courant. — Seigneurs, » ce dit Butor, « or i alez errant, « Si menés avec vous de ces chevaliers tant « Que mes filz soit gardés, car besoing en a grant. » Adont furent armé bien .1. serjant

695 Et .xxx. chevalier hardi et comb[at]ant. Il n'i avoit celui qui n'eûst jaserant, Pans et bras et escus et espée tranchant, Bacinet et camail plus cler et plus luissant De glace de mirouer ou d'une yave courant.

700 Quant tuit furent armé, li chevalier vaillant, Serjant et escuier s'armèrent maintenant; Chascun d'eus est montez ou destrier auferrant, S'issirent du chastel, pas a pas chevauchant; Et quant tuit furent hors Butor ala devant,

705 Si dist aus chevaliers qui tenoient l'enfant,

Mais tout premièrement il le dit a Bruiant : (f° ij) « Je vous requier por Dieu, le père tout puissant, « Que bien gardés mon fil : c'est quanque j'ai vaillant. m Vous savez que ma famé en a le cuer dolant,

710 « Mais s'il plaist a Jhesu joie en avra plus grant. »

681. ert, ms. est.— 682. de la Liche, ms. d'Antioche.— 687. vous, ms. veus. — 708. quenque.

Dont s'en ala Butor ou chastel soupirant, Ou la dame trouva ses .ij. poins détordant ; A son povoir l'ala Butor reconfortant.

Or s'en vont chevauchant li chevalier armé,

7 1 5 Car li eure aprochoit d'aler ou bois ramé. Bruiant en a l'enfant entre ses bras porté Et .iiij. chevaliers l'avoient adestré, Mais on avoit l'enfant très bien encortiné, Pour le temps qui fu frois encontre l'avespré.

720 Tant ont li chevalier chevauchié et erré

Qu'il choissirent le bois qu'il virent grant et lé. Adont parla Bruians qui le cuer ot séné, Et leur a dit : « Seigneur, ou non de Trinité, « G'un petit entendes de ce qu'ai en pensé.

725 « Nous en portons l'enfant no seigneur redoubté, « Je vous suppli tretous par très fine amisté « Que nous n'alons que .iiij. ou propre lieu faé « Car se tous i alons ce sera mal ouvré. » Li chevalier a qui Butor l'avoit livré

73o A dit : « Vous dites bien, nous ferons par vo gré, « Mais avant nous verront juques au bois ramé « Tant qu'il nous aient mis du tout a sauveté. — Sire, » ce dit Bruians, « vous dites vérité. » (v°) Or ont li chevalier jusqu'au bois cheminé,

735 Et quant il vindrent la, si sont dede[n]s entré, Mais de tous les vassaus n'en i a demouré Que .iiij. seulement, que tous s'en sont aie.

Li .iiij. sont entré bien parfont cns ou bois, Et li autre vassal estoient au hernois,