la uespré. — 726. amistie

740 Qui de la grant forest gardoient les destrois. Li .iiij. ont escouté, si ont oy la vois D'une famé qui dit : « Mes maris gist tous frois « Mors en ceste forés, si n'est pas mes otrois « Que cilz qui le m'a mort ne soit pris, je la vois. »

745 Adonques, dist Bruiant aus chevaliers cortois : <c Sire, se vous voulés ouvrer tout a mon chois, « Si gardés cel enfant par amour, et je vois « Savoir s'il avroit la de famés .ij. ou trois. »

Li chevalier respont Bruiant cortoisement : 750 « Je garderai l'enfant bien et soigneusement. »

Et Bruiant s'en parti tostet isnellement;

Si issi de la sente et vint assés briesment

Ou il avoit oï la vois premièrement,

Et la trouva il mort .j. chevalier senglent, 755 Qui avoit en son cors de plaies plus de cent,

Et trouva une dame avec li en présent.

Et quant Bruiant la vit, si li dit doucement :

« Dame, qui a ocis ci si vilainement

« Ce chevalier que voy navré si malement ? » 760 La dame li respont : « Vous le savrez briesment : ' fn 1 S )

« Ça fait li chevaliers qui nul homme ne prent

« A nule raanson si tost qu'i le desment.

— Dame, » ce dit Bruians, « or ne vous esmaiez : « Li chevaliers sera assez briesment vengiez, 765 « Car cil qui l'a ocis sera pris et liez « Ou il ert a l'espée ocis et detrenchiez.