AU COMMENCEMENT DE SES SERMONS

Nous invoquerons nostre bon Dieu et Père, le supplians qu'il luy plaise destourner sa face de tant de fautes et offenses par lesquelles nous ne cessons de provoquer son ire contre nous : et d'autant que nous sommes trop indignes de comparoistre devant sa majesté, qu'il luy plaise nous regarder en la face de son Fils bien-aimé nostre Seigneur Jésus Christ, acceptant le mérite de sa mort et passion pour récompense de toutes nos fautes, à fin que par ce moyen nous luy soyons agréables : qu'il nous vueille illuminer par son Esprit en la vraye intelligence de sa Parole, nous faire la grâce que nous la recevions en vraye crainte et humilité» que nous soyons enseignez par icelle de mettre nostre fiance en luy, le servir et honorer pour glorifier son sainct nom en toute nostre vie, luy rendans l'amour et l'obéissance que doivent fidèles serviteurs à leurs maistres, et enfans à leurs pères, puis qu'il luy a pieu nous appeler au nombre de sesserviteurs et enfans. Et le prierons comme nostre bon Maistre nous a enseignez de le prier, disans, Nostre Père qui es, etc.

1 En tête des sermons sur le livre de Job.