N* CXLV. — LETTRES PATENTES DE MADAME D’ANGODLÉME

Ordre à M. de Monlmorcocy de signer les obligations de garantie stipulées par le traité avec le roi d'Angleterre. — La régente se charge de le faire trouver bon au l\oi. — Elle garantira Montmorency contre toutes recherches à ce sujet.

[ De Condrieu , 17 MpUmbre 1525. )

Loyse , mere du Roy, duchesse d’Angoulmois et d’Anjou , contesse du Mayne et de Gycn, régente en France, à tous ceulx qui ces présentes lectres verront, salut. Comme pour le bien et utilité de ce royaume, paix et confedcracion , ayent esté conclues et arestées entre

le Roy, noslro très-cher seigneur et fils, d’une part, et le roi d’Angleterre , noslrc très-cher seigneur et cousin, d’autre, par laquelle, entre autres choses , ait esté accordé et convenu que pour la seureté des choses promises par noz ambassadeurs envoiez pour faire icelle paix, les princes du sang de nostredit seigneur et filz, et autres nommez oudit traicté, et pareillement aucunes bonnes villes de cedit royaume, soy obligeront; savoir faisons, que nous desirons icelluy traicté estre entièrement acoinply et sortir son effet par us, et neantmoins enjoignons, en vertu de nostre pouvoir et regencc, à nostre très-cher et très-amé cousin le seigneur de Montmorancy de vouloer passer et octroyer les obligacions en la forme que luy envoyons et que icelluy roy d’Angleterre demende, sans à ce faire aucune difficulté : et de nostre part, nous luy promectons, en vertu de nostredit povoir et regcnce, de Taire et procurer envers nostredict filz qu’il aura agréable et approuvera ce que par luy sera faict, et le gardera indempne de sadicte promesse et obligacion, et de ce luy baillera telles lettres qu’il sera advisé pour sa seureté : et nous, comme regente, luy promectons de le relever de toute indempnité et dommage qu’il pourroit avoir. En tesmoing de ce , nous avons signé cos présentes de nostre main et à icelles fait mectre nostre seel.

Donné à Coindrieu, le x vu' jour de septembre, l’an de grâce mil cinq cents vingt-cinq.

LOYSE

Par Madame, régente en France,

Rouertet.

«s- ‘;:f-^- -,-r,=rf'A;i'',