À MON COUSIN LE DE MONTMORENCY

Mon cousin , pour commancer de mectre paix et repoz en ce royaume, ainsi que tousjours j’ay désiré et encores desire, j’ay, avecque fayde de Dieu, tant fait que bonne paix est faicte, conclucte et traitée entre le Roy monseigneur et filz, son royaume et subjeetz, et le roy d’Angleterre; telle et si seure, que j’espere et tiens qu’elle

SECTION III. — CAPTIVITÉ EN ESPAGNE. 319 sera de durée et redondera au grand bien, prosût et utilité, non seullement des deux royaumes, mais de toute la chose publique de la chrétienté, et avecque ce, aydera grandement à la liberté et délivrance dudit seigneur. Et pour ce que entre autres choses il est expressément dit, par ledit traicté de paix, que les princes et principaulx personnages dudit royaume bailleront leurs lectres en bonne forme pour rentretennement dudict traicté et acomplissement du contenu en icelluy, selon la mynutc et forme qui est cy dedans enclose, je vous prie que incontenent et promptement vous vueillez faire ladicte promesse et expedicion des dictes, en manière que je les puisse envoyer à mes ambassadeurs qui sont en Angleterre, et en ce faisant entièrement satisfaire à ce que par eulx a esté promis et acordé, autrement ladicte paix seroit rompue et n’auroit aucun effet, qui toumeroit, comme vous l’entendez assez , au grant interest et dommage de tout ledit royaume, ce que je suis bien seure que pour riens vous ne vouldriez. Priant Dieu, mon cousin, qu’il vous aict en sa saincte garde.

Escript à Coindrieu , le xmi* jour de septembre.

Vostro bonne cousync,

LOYSE