N* CLIX. — LETTRE DU TRÉSORIER BABOU A MADAME LA RÉGENTE

L« duchesse <T .Alençon va à Tolède. — L'empereur a écrit au Koi et à madame la duchesse Marguerite.

1 1" oclobra 1625. )

Madame, tant et si très-humblement comme je puis, à votre bonne grâce me recommande.

Madame, depuis le partemenl de Pommeraye, le Roy a tousjours continué en son admendement; lequel je ne vous sçauroys miculx certiflier que par le partement de inadite dame vostre fille, laquelle congnoist et voit ledict seigneur estre si bien, quelle l’abandonne demain pour s’en aller à Tollede, pour suivre ses affaires; desquelz, ainsi que l’on peult juger par les conjectures, l’issue sera à vostre intencion et désir.

Madame, monsieur le vis-roy de Napples vint mercredy icy, de par l’empereur, pour veoir et visiter le Roy, et luy apporta une lettre dudict empereur et une autre de madicte dame vostre fille, laquelle je vous envoyé pour veoir la gracieuseté dont il use : qui est pour tousjours asseurer que les choses viendront , au plaisir de Dieu , à bonne fin.

Madanre , iedict vis-roy partit hier pour retourner devers ledict seigneur empereur, et peu après luy partirent messieurs d'Ëmbrun et le premier president, pour aller audict Tollede préparer la venue de madicte dame vostre fille, laquelle est délibéré de tant presser et solliciter, <pi’elle espere plustost que vous ne pensez vous rendre filz et fille, et se consoller avecques vous. Madame, de la grâce que Nostre-Seigneur vous a faitte de le vous avoir saulvé d’une si extresme malladie que celle qu’il a eue, qui a esté telle que vous dira ce porteur, avecques les aultres choses commises à sa creance.

Madame, je prye Nostre-Seigneur qu’il vous doiut très-bonne et très-longue vie.

Escriptz de Madril, le premier jour d’octobre*.

Vostre très humble et très obéissant serviteur et subject,