N* V. — LETTRE DE KOI AU MARÉCHAL DE MONTMORENCY

Les ennemis se retirent par Nice. — Ils ont perdu dis pièces d'arliiieric. — Il Faut les faire poursuivre.— Le Roi a divisé le reste de son armée en deux bandes. — Le maréchal de Chabannes en commande une. — Le Roi part avec sa maison et ses gentilshommes. — Il attend que le pont sur la Durance soit achevé pour se rendre à Perlais.

[Ail, U 4 octokrt 1S94.)

Monsieur le mareschal, j^ay veu la lettre que vous m’avez escrlpte par laquelle vous me fetes savoir que les ennemis preignent le chemin de Nysse, et que de seize pièces d’artillerie qu’ils menoient, ils n’en ont plus que six; par quoy ils en ont lal.s.sé dix par les chemins, que j’ay ordonné que on aille sercher et enmener. Et pour ce que lesdlts ennemis vont à ceste heure serrez et qu’ils entreront dans les montaignes, où avec les gens d’armes ne leur pourriez nuyre ne faire dommaige , je suys d’aviz que vous les faictes tousjours suivre par les chevaulx llgiers, et que Bussy de son costé, avec les gens de pied et chevaulx llgiers qu’il a avec luy, les suyvent tant qu’ilz poiuront, sans toulesfoiz eulx mectre en dangier, pour leur faire du plz qu’ilz pourront; et que vous et les gens d’armes les suy\'ez à vostre aise, soullageant vos chevaulx, pour veoir ce qu’llz deviendront et qu’ilz vouldront faire, pour après adviser de faire ce qui sera pour le mieulx. Vous advlsant, au demourant, que j’ay departy le demeurant de mon armée en deux bandes , pour plus aisément et promptement la passer, aussi pour la commodité de noz vl\Tes.

J’envoye le mareschal de Chabannes avec tous les gens de pied par ung chemyn, et les gens d’armes par ung autre, et moy avecques * ma maison et mes gentilzhommes et archers par ung autre, ainsi que verrez par l’escript que je vous envoyé. Et de ce que vous surviendra de nouveau, vous prie continuer de m’en advertir; et pour ce que le pont sur la Durance n’est pas encores dressé droict à Pertuys, où je prends mon chemyn, demoureray encore pour ce jour-

SECTION I. — GUERRE DU \flLANAIS. 15

d’hui icy; mais demain espere y aller coucher. Ce pendant part ledict rnareschal avec lesdits gens de pied, et va coucher à Peroil.

Et à Dieu, monsieur le rnareschal, qui vous ait en sa garde.

Escript à Aix, le iiij'jour d’octobre.

Si les ennemys prennent le chemyn de Monegue, vous pourrez prendre le droict chemin par Tande à Cony, où se trouvera le marquis le Salluces, et s’y en va droict le rnareschal de Chabannes avec tous ses gens de pied, et après luy toutes la gendarmerie à costé , et moy semblablement avec ma maison ne seray pas loing. Car de revenir passer par deçà, vous auriez trop de chemyn à faire avant que me trouver. Vous ferez ce que verrez estre affaire pour le mieulx.

Et plus bas, DE Necfville.