N* VII. — LETTRE DU MARQUIS DE SALÜCES AU ROI

Il a reçu ia nouvelle de la retraite des ennemis. — Projet sur Coni. — Il y fera tout ce qu'il

pourra.

[SunuPio», 5 octobre 153^t.)

Sire , j’ay receu la lectre qu’il vous a pieu m’escripre par Clement Champion, vostre varlet de chambre, et entendu ce qu’il m’a fait sçavoir tant de la retraicte de vos ennemys en gros desordre et desarroy, et grande diligence que une partie de vostre armée fait h les suyvre et deffaire totallement , que aussi touchant l’emprise de Conny, de laquelle vous avoye escript, qui sont très-bonnes nouvelles. Et espere en Dieu que vosdicts ennemys ceste foyz seront si bien battuz et remennez qu’ilz ne vous donneront plus d’ennuy, et que la victoire que suyvez vous demeurera totallement par-sur eulx.

Au regard, sire, de ladicte emprise de Conny, je y feray toute la diligence possible pour la mectre à execucion, sans y perdre heure ne temps; et pour ce faire y emploieray tant mes subjects que autres que verray estre bons et propres à ladicte emprise, car pour la peste qui est en Salluces et en plusieurs autres lieux de mon pays, il est necessaire aussi me ayder de gens estrangiers. Aussi j’envoye vers Tande et autres passages des montaignes leur faire sçavoir la deffaicte desdits ennemys, affin qu’ils rompent les passages et que chascun

s’efforce à les détruire; et que s’ilz ont affaire des gens, que leur en envoyeray, vous suppliant, sire, de faire haster de plus en plus, et en toute diligence, les premières bandes tant de cheval que de pied, comme plus à plain il vous plaira le tout entendre dudit Clemenl Champion, sur lequel me remecLs du surplus. Et me recommandant à voslrc bonne grâce, et si très-humblement que faire puis, et priant Dieu, sire, qu’il vous doint très-bonne vie et longue.

\ Saincl-Pierre , ce v® jour d’octobre.

Vostre très-humble et très-obeissant serviteur et subjcct,

Michel-Anthoine DE SALUCES.