RÈGLEMENT TOUCHANT LE BANCQUET PRINCIPAL DU MAIEUR

A tous ceux quy ces présentes lettres verront maieurs caritables et confrères de la Confrérie de Nostre Dame des Ardents en la ville d'Arras, salut. Sçavoir faisons que cejourd'huy date de cestes estans assemblez et congrégez en la chapelle d'icelle carité scituée au petit marchié de ceste ville pour procéder a Telection du maieur régnant d'icelle Confrérie pour cest an, selon que de bonne et ancienne coustume s'est tousiours faict, —

Considérans que la dite Confrérie est une des plus

» Le Meff. Thieulaine, foL ix, r. place ce règlement en. tête d^une liste de Majeurs qui commence à Tannée 1546, ce qui n'empêche pas ce règlement d'être beaucoup plus ancien.

notables et anciennes de la dite ville, en laquelle plusieurs rois, ducs, contes, contesses, princes, seigneurs et dames, prélatz, notables bourgeois et bourgeoises se sont mis. Et voians qu'elle estoit apparente de diminuer tant en l'exaltation et révérence du sainct Chierge que des confrères et conseurs d'icelle, ensemble du sainct (service) divin qui se faict journellement en la dite chapelle a l'honeur de Dieu, de la benoiste Vierge Marie, et dudict sainct Chierge y reposant, mesme des biens et revenus de la dite Confrérie, à cause des guerres aians régnées en ce pays d'Axtois. Come encore elle faict présentement es grandz ouvrages et réfections qu'il a convenu faire à la réédification de la grande salle du Préau de la dite Confrérie qui par son ancienneté et caducité estoit tombée. Laquelle il a convenu réedifler nouvellement quoy faisant y auroit esté exposée la some de douze cent florins et plus dont la plus saine partie a esté prins en cour de rente héritière sur le revenu temporel do ladite Confrérie. Come aussi des excessives despences qui se faisoient durant les quatre jours de la feste et solennité du sainct Chierge par les maieurs et confrères de la dicte Confrérie, ensemble du soupper et bancquet qui se faict annuellement le dimenche suivant le jour du sainct Sacrement par le maieur entrant d'icelle confrérie, quy retardoient le bon voloir de plusieurs notables bourgeois d'icelle ville de se mettre en la dicte Confrérie pour craincte et doute desdictes despences excessives et autres bons regardz et considérations par nous avisées. Pour y remédier et pour veoir et désirans le bien et augmentation d'icelle Confrérie et du sainct service divin qui se faict journellement en la

dite chapelle, avons tous unanimement conceu, avisée déterminé et ordonné pour l'avenir ce qui senssuit : asscavoir que les dites despences et repas qui se font durant les quatre jours de la dicte feste par les anciens maieurs séans et cestuy entrant de la dite Confrérie se paieront par tous lesditz maieurs anciens séans et nouveaux chacun a comte de teste, ore qu'ilz ne comparussent ausdictes despences. Et pour ce faire le Receveur d'icelle Confrérie sera tenu mettre par escrit en un caier icelles despences et par le menu, avec les noms et surnoms des maieurs aians assisté à icelles. Et au surplus que le dict maieur entrant au lieu du dit soupper et bancquet dudict jour de dimenche sera tenu paier et furnir la some de trente carolus d'or et vingt patars, le carolus pour une fois tantmoins "aux mises d'iceluy soupper et bancquet.

Et le lundy sequent ledit Receveur fera comte ausditz maieurs anciens et entrant et issant desdictes despences et se recevra d'eux la some a quoy ilz seront trouvés asseables chacun a comte de teste come dict est pour en faire paiement a ceux qu'il appartiendra. Sans qu'aucuns deniers soient prins ny paiez sur le revenu de la dite Confrairie. Le tout pour le bien et augmentation d'icelle et affln qu'on puit et plustot et plus facilement racheter et rembourser les dictes rentes héritières et descharger la dicte Confrérie des grandes charges en quoy elle est présentement submise. Outre et pardessus la dite some de trente florins chacun maieur entrant sera tenu paier douze florins telz que dessus pour subvenir aux frais de la procession qui se faict chacun an en la Cité dudit Arras ledit jour de dimenche. Ne soit que pour certaines

— 19S — bonnes considérations iceux maieurs anciens entrant et séant s'abstinssent de faire la dicte procession en aucunes années. Auquel cas ledit maieur entrant ne seroit tenu ains excusé de paier lesdictz douze florins en Tannée ou années que ladite abstinence seroit.

En tesmoin de ce nous avons faict mettre les seaux de ceste Confrérie à ces présentes quy furent faicles et données en ladite chapelle au petit Marché le mercredy de Pasques communiaux le cincquiesme jour d'avril XV* cinquancte trois. Ainsy scellées de deux scelz de cire verde pendans en double queue ^

INSCRIPTIONS DE l' AUTEL SAINT-SÉVERIN

dans rancienne Cathédrale d^Arras.

Antonius Richebé, hujus ecclesiae praepositus et cano-

nicus J. U. Doctor protonotarius apostolicus, ad honorem