DES

DE

MDCXII.

Lettres de Marguerite de Bourgogne, duchesse de Bavière, comtesse douairière de Hainaut, etc., par lesquelles elle promet d'entretenir la paix faite entre le duc de Bourgogne et la duchesse Jacqueline de Bavière.

(16 juillet U28, à Leydc.)

Marguerite de Bourgoingne, duchesse de Bavière, contesse de Haynau, de Hollande, de Zellande, et dame de Frise, à tous ceulx qui ces présentes lettres verront, salut. Comme des guerres, questions et débas qui pièçà ont esté et duré entre nostre très chier et très amé neveu, Phelippe, duc de Bourgoingne, conte de Flandres, d'Artois et de Bourgoingne, palatin, seigneur de Salins et de Malines, mambour, rewart, gouverneur et hoir, Tome V. i

desdiz pays de Haynau, de Hollande et de Frise, et ses subgés, aidans et confortans, d'une part, et nostre très chière et très amée fille, Jaque, duchesse en Baivière, conlesse des pays de Haynnau, de Hollande, de Zellande et dame de Frise, dessusdiz, et ses subgez, aidans et confortans, d'autre, paix soit présentement, par la grâce de Nostre-Seigneur, accordée, conclute et passée en la manière contenue es lettres patentes sur ce faictes, soubz leurs seaulx, desquelles la teneur s'ensuit *.

Savoir faisons que nous, bien contente et joyeuse de ladicte paix, avons ycelle, ensemble tous les points et articles contenus es lettres dessus transcriptes et chacun d'eulx, promis et juré, et, par ces présentes, promettons et jurons, en parolle de princesse et sur noz foy et honneur, à tenir bien et fermement, sans faire ou aler ne souffrir estre fait ou aie à l'encontre, en aucune manière, et par espécial congnoissons et tenons nostredit neveu, le duc de Bourgoingne, vray hoir et héritier desdiz pays de Haynau, Hollande, Zellande et Frise, ou * cas que nostredicte fille yroit avant lui de vie à trespas, sans laisser hoir légitisme procréé de sa char. Et en icellui cas promettons et jurons le recevoir, tenir et obéir comme seigneur et prince desdis pays de Haynau, Hollande, Zellande et Frise, et non autre, sauf et réservé à nous nostre droit de douaire et assenne que avons en yceulx païs, nonobstans quelconques dons, transpors ou contracts que ycelle nostre fille peust avoir faiz par cy-devanl, ou pourroil faire le temps à venir, touchans les avantdiz pays de Haynau, de Hollande, de Zellande et de Frise, avec ou à quelque personne que ce soit ou puist estre. Avec ce, promettons de obéir à nostredit nepveu comme rewart et gouverneur desdiz pays, et non autre, jusques à ce que nostredicte fille sera mariée, par l'advis, conseil et consentement de nostredit nepveu, de nous et des trois estaz desdiz pais de Haynau, de Hollande et de Zellande ensemble. Et s'il avenoit que nostredicte fille se mariast à qui que ce fust sans l'advis, conseil et consentement de nostredit nepveu, de nous et des trois estaz desdiz pays, ou de l'un d'iceulx, que Dieux ne vueille! en ce cas, nous ne obéirions point à elle ne à son mary qu'elle auroit ainsi prins, mais irrévocablement et sans contredit à nostredit nepveu le duc de Bourgoingne comme gouverneur et

* Suit la teneur du traite du S du même mois. Voyez t. IV, p. 666. ' Ou, au.

hoir d'iceulx pays, et non à autre. En tesmoing de ce, nous avons fait mettre nostre séel à ces présentes. Donné à Leyde, le seiziesme jour de juillet, l'an de grâce mil quatre cens vint et huit.

Original, sur parchemin, auquel est appendu par une double queue de même un sceau avec contre-scel, en cire rouge. Ce sceau représente un écu écarlelé de Bavière, de France, de Hainaut et de Bourgogne, posé sur un arbre et accosté de deux margueriies. Légende: ^. jUSargarftC bt

Q5ur0Ôliia. buci^é^ée.Ccom". ï|anô)ie ♦ ï|aïïïë Et

^CClItE* Au contre-scel est une marguerite. — Archives départementales du Nord, à Lille: Chambre des comptes, B. U79.

MDCXIII.

Lettres de Philippe, duc de Bourgogne, etc., bail, gouverneur et héritier des pays de Hainaut, Hollande, Zélande et Frise, ratifiant la donation, faite à la duchesse Marguerite, comtesse douairière de Hainaut, etc., par la duchesse Jacqueline, d'une rente viagère de 9,000 florins constituée sur les revenus de Hainaut, de Hollande et de Zélande.

(27 juillet U28, à Leyde.)

Phelippe, duc de Bourgoingne, conte de Flandres, d'Artois et de Bourgoingne, palatin, seigneur de Salins et de Malines, bail, mambourg, gouverneur et héritier des pays de Haynau, Hollande, Zéellande et Frise, à tous ceulx qui ces présentes lettres verront, salut. Comme nostre très chière et très amée tante, la duchesse de Bavière, contesse de Haynau, Hollande et Zellande, nous ait, par aucuns des gens de son conseil, fait remonstrer comment nostre très chière et très amée cousine, dame Jaques, duchesse en Bavière, contesse de Haynau, Hollande, Zellande, Pontieu, et dame de Frise, sa fille, de son propre mouvement et bonne voulenté, lui ait donné la somme de neuf mille florins frans françois, du coing et forge de monseigneur le Roy, d'or souflisant, ou monnoye à la valeur, à en joïr et possesser chacun an le cours de sa vie durant, et à les prendre et avoir, c'est

assavoir : es pays de Hollande et Zellande dessusdiz, six mille florins sur les terres et en la manière déclairées es lettres de ce faisant mencion, et en ses pays de Haynau, les autres trois mille florins sur les biens et proufiz de la recepte de Mons en Haynau et sur les explois de la baillieue dudit Haynau, ainsi que icelle nostre tante dit ces choses plus à plain apparoir par lettres sur ce faictes : lesquelz neuf mille florins, puis certain temps en çà, lui ont, à cause des guerres et divisions qui ont règne par-deçà, esté empeschés en son grand dommaige, si comme elle dit, en nous requérant que sur la joyssance d'iceulx ix" florins lui vuelllions ottroyer nostre consentement. Savoir faisons que nous, considérans la grant et bonne amour et affection que avons et avoir devons à nostredicte tante, laquelle de tout nostre povoir voulons et désirons garder en ses droiz comme raison est, et aussi la bonne paix, union et concorde qui à présent est entre nostredicte cousine et nous, avons, en tant que en nous est et faire povons, consenti et accordé et, par la teneur de ces présentes, consentons et accordons que icelle nostre tante joysse et use plainement d'ores en avant desdiz neuf mille florins, assavoir : de trois mille sur les revenues dudit pays de Haynau, et de six mille sur les revenues desdis pays de Hollande et de Zellande déclairiez es lettres de nostredicte cousine de ce faisans mention, c'est assavoir sur tout ce qui appartient èsdis pays à icelle nostre cousine, et par ainsi toutesvoyes que toutes les seigneuries, terres, tonlieux et revenues quelconques qui nous compétent et appartiennent à cause de feu nostre très chier et très amé oncle le duc Jehan de Bavière, dont Dieu ait l'âme, èsdiz pays de Haynau, Hollande, Zellande et Frise, nous sont et demeurent, seront et demourront franches, quittes et deschargiées entièrement de ladicte rente de IX™ florins et arréraiges d'icelle. Si donnons en mandement aux neuf personnes qui par nous seront ordonnez et commis au gouvernement des dis pays de Hollande, Zellande et Frise, au grant bailli de Haynau et à tous noz autres justiciers et officiers présens et à venir, ou à leurs lieuxtenans, et à chacun d'eulx endroit soy et sicomme à lui appartiendra, que de noz présens accord et consentement, selon et par la manière que dit est, ilz facent, seuffrent et laissent nostre devantdicte tante et ses officiers, gens, commis et députez plainement et paisiblement joïr et user, sans lui faire ne souffrir estre fait aucun destourbier ou empeschement au contraire. En tesmoing de ce, nous avons fait mettre nostre séel à ces présentes. Donné en

la ville de Leyde en Hollande, le xxvij" jour de juillet, l'an de grâce mil quatre cens vint-huit.

{Sur le pli :) Par monsK' le duc,

G. DOOSTENDE.

Original, sur parchemiD, auquel pend par une double bande de même un sceau équestre avec contre-scel, en cire ronge. — Archives départementales du Nord, à Lille : Chambre des comptes, B. 1479.

MDCXIV.

il septembre 1428, à Soignies.

Serments prêtés en la ville de Soignies par la duchesse Jacqueline de Bavière et par le duc Philippe de Bourgogne.

Mentionnés dans l'extrait, publié à la page suivante, du 2« registre des consaux de Mons.

La duchesse et le duc déclarèrent, en présence du chapitre de Saint- Vincent, de Soignies, et des députés de la ville de Mons, que c'était sans préjudice aux anciens privilèges de cette ville qu'ils avaient prêté ces serments avant d'avoir été reçus dans la capitale du Hainaut. Ils délivrèrent au chapitre de Sainte-Waudru des lettres contenant cette reconnaissance. Voyezp.8, n'MDCXVI.

MDCXV.

13 septembre 1428, à Mons.

Serments prêtés en l'église de Sainte-Waudru par la duchesse Jacqueline de Bavière et par le duc Philippe de Bourgogne, la duchesse comme héri-

tière el le duc en sa qualité de gouverneur et héritier (si la duchesse mourait sans hoir) du pays de Hainaut, et réciproquement par « le peuple et les trois estas dou pays, » après la lecture du traité de Delft.

MentioDDés dans Textrait ci-après.

Le ^« registre des consavx de la ville de Morts, fol. liiij, relate comme suit l'arrivée de la duchesse et du duc et leur prestation de serment.

« Le dimence xu» jour de septembre, l'an mil III J*' XX VII J, par traitié fait et trouvé entre monsigneur le duc de Bourgongne et no très redoubtée dame madame Jaque de Baivière, comtesse de Haynnau, nosdis très redoublés signeur et dame vinrent ensamble à Mons, et lendemain lundi enssuivant, dou matin, lisent à medame Sainle-Waudrut serment, madame comme hiretière et monsigneur comme gouvreneur, et oudit lieu adont fu li traitiés liut et, chou fait, lisent nosdis signeur et dame faire par le peuple serment et par les trois estas dou pays de tenir madite dame à hiretière el monsigneur à gouvreneur, ensi que lidis traitiés le contient, et ossi à héritier ou ' cas que médite dame trespasseroit sans hoir. Etseest voirs que, le samedi en devant, xj« jour doudit mois, lisent mesdis signeur et dame, pour ledite cause, leur serment à Songnies, ouquel il disent et congneurent que ce n'estoit que renouvellement de serment et sans porter préiudisce as anchyens previlèges de le ville, présent dou capitle ' maistre Pierre Henné, doyen, maistre Ernoul de Gavre, trésorier, messire Jehan de le Forge, m Pierre Henné, m. Ernoul Frariniel et Willaume Erbaut, canonsnes de Songnies, Chrispoffe dou Parcq, Esliévène Joye, dou conseil, Jehan dou Parcq, Jehan de Brexelles, eskevin, et maistre Jehan Druelin, clercq de le ville de Mons, députez de par le ville pour ce remonstrer, avœcq pluiseurs aultres nobles, prélas et boines gens. »

On lit dans le compte du massard de Mons, de 1427-1428 :

« Ou mois de septembre, que nos très redoubtés signeur et dame vinrent à Mons dou pays de Hollande, ouquel lieu mandèrent les troix estas dou pays de Haynnau, et y demorèrent par le terme de vu jours et fisenl publyer le traitiet de paix fait entre eulx, se tinrent ensamble les esche-

* Ou, au.

* Le chapitre de Saint- Vincent de Soignics.

vins, pluiseurs dou conseil, le massart, clers, sergans et tous les niaistres ouvriers de ledicte ville, les aucuns pour faire pluiseurs remonstranches et supplications à nosdis très redoubtés signeur et dame, grandement touchans à ledite ville, et ossi pour besoingner avœcq lesdis lu estas sour l'aydde adont requise et demandée, et les aultres pour adrechier tous ceux qui affaire en avoient, ossi entendre à le garde de leditte ville et pourvoir à tous remoulx et effrois qui advenir pooient en ycelle; frayèrent en somme ces vu jours ^. Ixx 1. xviij s. viij d.

» A très haulte et puissante princhesse, no très redoubtée dame hiretière, le xije doudit mois, que revenue estoit dou pays de Hollande, où traittiet de paix avoit estet fais entre li et nodit très redoublé signeur de Bourgoingne, fu fais présens de u keuwes de vin cxviij 1. viij d.

» A nodit très redoubté signeur, monsigneur le ducq de Bourgoingne, présentet adont u keuwes de vin cij 1. xvij s.

» A révérend père en Dieu, monsigneur l'évesque de Liège, présentet adont j muy de vin xviij 1. xviij s. viij d,

» A monsigneur le comte de Namur, fu adont fais présens de j muy de vin, monte xviij I. xviij s. viij d.

» A monsigneur le chanchelier de nodit très redoubté signeur, fu ossi présentet j muy de vin xxj 1. iiij s. x d.

» A monsigneur Bauduin de Froimont, trésorier de Haynnau, fu ossi fais présens de vijj los de vin xlvij s. iiij d.

» As héraulx de noditte très redoubtée dame et princhesse, donnet de courtoisie u escus phelippus de Ixx s.

» As huissiers d'armes de nodit très redoubté seigneur de Bourgoingne, donnet adont u escus philippus de Ixx s.

» As fourierrs de nosdis très redoubtés signeur et dame, fu ossi donnet, au command desdis eskevins, u otels escus de Ixx s.

» Au signeur des Platiaulx et Aibrecq le sot de nodit très redoubtet signeur de Bourgoingne, donnet u escus philippus de ... . Ixxij s.

» Au roy de Pontieu, liquelx avoit lettres patentes de nodicte très redoublée dame, contenans que, pour secourre à aucuns ses affaires qui venut lui estoient par les gherres, on lui veulsist, pour l'amour d'elle, certain terme faire aucune grâce et courtoisie, fu donnet, au command desdis eskevins, u escus philippus de Ixxij s.

» As desquierkeurs de vins de le ville de Mons, pour avoir portet et rapportet par u fois, que no très redoubtez signeur et damme sont venus à Mons, si comme ou mois d'apvril * et de septembre, les pos en coy on fist, de par ledite ville, pluiseurs présens de vins, donnet de courtoisie, au command des esquievins xxx s.

» As porteurs des torses de noditte très redoublée dame et princhesse^ donnet de courtoisie, le xiiij° jour doudit mois de septembre, une obole d'or de xxvj s. »

MDCXVl.

Lettres par lesquelles Philippe^ duc de Bourgogne, etc., et Jacqueline, duchesse en Bavière, comtesse de Hainaut, etc., déclarent que c'est sans préjudice aux droits et privilèges de l'église de Sainte- W audru, de Mons, qu'ils ont prêté les serments accoutumés en la ville de Soignies, où ils étaient descendus, en venant de Flandre, avant de le faire à Mons.

(15 septembre 1428, à Mons.)

Phelippe, duc de Bourgoingne, comte de Flandres, d'Artois, de Bourgoingne, palatin, seigneur de Salins et de Malines, bail, mambour, gouverneur et héritier du pays et comté de Haynnau, et Jaques, duchesse en Bavière, comtesse de Haynnau, de Hollande, de Zellande, et damme de Frise, à tous ceulx qui ces présentes lettres verront, salut. Comme, en acomplissant le traictié, par la grâce de Nostre-Seigneur, nagaires fait entre nous sur les divisions qui par anchien temps y ont esté, nous soyons venus et deschendus en la ville de Songnies, pour ce que, en venant dudit pays de Flandres oudit pays de Haynnau, nostre chemin si adonnoit, et y aions esté receuz et y fait les sermens en tel cas acoustumez avant que en la ville de Mons : dont nos bien ameis les demiselles prébendies en l'église Sainte- Wauldrud, audit lieu de Mons, se sont à nous dolues et complaintes, disans que de tous temps a esté acoustumé que les contes et comtesses dudit pays de Haynnau ont premièrement fait sèrement en leurdite église que ailleurs

» Voy. t. IV, p. 649,

en icellui pays, et semblablement ceulx qui ont eu le bail, mambournie et gouvernement, et que c'est en les troublant en leurs drois, prérogatives, usaiges et franchises, et que oncquesmais ne fut veu. Savoir faisons que nostre intention n'a esté ne est que ladite réception à nous faite à Songnies par la manière que dit est, doie aucunement préiudicier aux previlèges, drois, prérogatives, usaiges et franchises de ladite église de Sainte-Waudrud ne desdites demiselles, ainçois volons et nous plaist qu'elles y soient et demeurent aussi franches et enthières comme elles estoient paravant icelle réception. En tesmoing de ce, nous avons fait mettre noz seaulx à ces présentes. Donné audit lieu de Mons, le xv« jour de septembre, l'an de grâce mil 1IIJ<= vint et huyt.

Pluiseurs copies des previlèges de Sainte-Wauldrud, ms. de la bibliothèque publique de Mons, fol. 65-66.

On lit dans le compte de la recette générale du chapitre de Sainte- Waudru, de la S* Rémi \^TJ à la S* Rémi ii^S : « A maistre Chrestyen, » secrétaire à monsigneur de Bourgoingne, pour une lettre de non-préju- » disce à l'église, faite pour cause de renouvellement de serment que ledit » monsigneur de Bourgoingne et madame de Haynnau avoient fait à Son- » gnies, avant ce que fait l'euwissent à Mons, que faire ne dévoient, comme » par ledile lettre appert plus pleinement, payet xxvnj s., et à sen clercq » pour le vin x s., sont xxxviij s.

» Le xviij« jour dou mois de septembre l'an XXVIIJ, s'en ala li clers dou » recepveur au Quesnoy et à Valienchiennes, poursuiwir ledit monsigneur » de Bourgoingne et madite dame, pour lesdites lettres avoir séellées, » comme il eult, demora nu jours, despendi pour lui et sen cheval . .

xxxvj s. »

MDCXVII.

Acte par lequel les états de Hainaut reconnaissent le traité conclu entre le duc de Bourgogne et la duchesse Jacqueline de Bavière.

(45 septembre 1428, à Mons.)

A tous ceulx qui ces présentes lettres verront, les prélas, gens d'église, Tome V. 2

nobles et bonnes villes du pays et conté de Haynau, reprësenlans les trois estas d'icellui pays, salut. Savoir faisons que, comme des guerres, questions et débas qui pièçà ont esté et duré entre très hauls et très puissans prince et princesse, et noz très redoubtez seigneur et dame, monseigneur Phelippe, duc de Bourgoingne, conte de Flandres, d'Artois et de Bourgoingne, palatin, seigneur de Salins et de Malines, bail, gouverneur, mambour et hoir des pays de Haynau, Hollande, Zéellande et Frise, et madame Jaques, duchesse en Bavière, contesse de Haynau, de Hollande, de Zéellande, de Pontieu et de Frise, dessusdiz, et leurs pays, subgiez, aidans et confortans, paix soit présentement, par la grâce de Nostre-Seigneur, accordée, conclute et passée en la manière contenue en leurs lettres patentes sur ce faictes, desquelles la teneur s'ensuit '.

Nous prélas, gens d'église, nobles et bonnes villes dessusdiz et chacun de nous, en ensuivant les voulentez et ordonnances en ceste partie de nosdiz très redoubtez seigneur et dame, ladicte paix, ensemble tous les poins et articles contenus es lettres dessus transcriptes et chacun d'iceulx, avons promis et juré et, par ces présentes, jurons et promettons à tenir bien et fermement, sans faire ou aler à l'encontre en aucune manière. Et par espécial congnoissons et tenons noslredit très redoubté seigneur le duc de Bourgoingne vray hoir et héritier des pays de Haynnau, de Hollande, de Zéellande et de Frise. Et promettons et jurons, par ces meismes présentes, de le recevoir èsdiz pays et conté de Haynnau, comme nostre droit seigneur et prince, et non autre, tantost après le décès de nostredicte très redoubtée dame, dame Jaques de Bavière, ou * cas que elle yroit avant lui de vie à trespas sans laissier hoir légitime procréé de sa char, nonobstant quelconques dons, transpors ou contracts que nostredicte très redoublée dame puist avoir fait par cy-devant, ou pourroit faire le temps à venir touchans lesdiz pays de Haynnau, de Hollande, de Zéellande et de Frise, avec ou à quelque personne que ce soit ou puist estre. Et avec promectons et chacun de nous de obéir à nostredit très redoubté seigneur, monseigneur le duc de Bourgoingne, comme mambour, rewart et gouverneur desdiz pays, et non autre, jusques à ce que nostredicte très redoubtée dame sera

' Suit la teneur du traité du 3 juillet 1428. Voyez t. IV, p. 666. * OUf au.

DES COMTES DE HAINAUT. Il

mariée, par l'advis, conseil et consenlement de nostre très redoubtce dame, madame sa mère, de nostredit très redoublé seigneur et des trois estas desdiz pays de Haynau, de Hollande et de Zéellande, ensemble. Et s'il avenoit que noslredicte très redoublée dame, dame Jaques, duchesse en Bavière, se mariast à qui que ce fust, sans l'advis, conseil et consentement de nostredicle très redoublée dame, madame sa mère, de nostredit très redoublé seigneur, mons^"^ le duc de Bourgoingne, et des trois estas desdis pays ou de l'un d'iceulx, que Dieu ne vueille! en ce cas, nous ne obéirons point à elle ne à son mary qu'elle auroit ainsi prins, mais irrévocablement et sans contredit à nostredit très redoublé seigneur, monseigneur le duc de Bourgoingne, comme bail, mambour, gouverneur et hoir d'iceulx pays, et non à autre. En lesmoing de ce, nous prélas, gens d'église, nobles et bonnes villes dudit pays et conté de Haynau cy-après nommez, avons mis noz seaulx à ces présentes. Données en la ville de iVlons, oudit pays de Haynau, le xv» jour de septembre, l'an de grâce mil quatre cens vint-huit. C'est assavoir nous '

Original, sur parchemin, auquel pendent par d. q. de même les sceaux, en cire rouge et en cire verte, des membres des états. — Archives départementales du Nord, à Lille Chambre des comptes, B. 1480.

MDCXVHI.

Lettres de Philippe, duc de Bourgogne, gouverneur et héritier du comté de Hainaut, par lesquelles il exempte Guillaume de Sfeenhout, chevalier, du payement d'un droit de quint.

(i5 septembre 4428, à Mons.)

Phelippe, duc de Bourgoingne, conte de Flandres, d'Artois et de Bourgoingne, palatin, seigneur de Salins et de Malines, bail, mambour, gouverneur et héritier du pais et conté de Haynau, à nostre bailli de Haynau ou à son lieutenant, salut. Savoir vous faisons que, à la prière et requeste de

' II existe ici un blanc dans Tactc*

12 CARÏULAIRE

nostre très chier et amé cousin le conte de Conversan et de Brienne, seigneur d'Anghien, Nous à nostre bien amé messire Guillaume de Steenhout, chevalier, avons donné et quitté, donnons et quittons, de grâce espécial, par ces présentes, la somme de cinquante et deux livres, monnoie du pais de Haynau, en laquelle il nous estoit tenuz à cause d'un quint baillié et chargié sur lui ^ et par rapportant, avec ces présentes, lettres dudit messire Guillaume, par laquelle apperre que d'icelle somme de cinquante et deux livres, monnoie dicte, il ait esté tenuz quitte et paisible. Nous voulons icelle somme estre allouée es comptes que ferez et rendrez de voz exploix, et rabatue de vostre recepte par noz amez et féaulx les gens et commis à Taudicion des comptes des officiers du pays de Haynau, ausquelx mandons que ainsi le facent, sanz aucun contredit ne difficulté, non obstant quelxconques mandemens ou deffences à ce contraires. Donné à Mons en Haynau, le x\™e jour de septembre, l'an de grâce mil quatre cens vint et huit.

Par mons^Me duc, à la relâcion du conseil;

Seguinat.

Original , sur parchemin; traces de sceau, en cire rouge. — Trésorerie des cliartes des comtes de Hainaat , aux Archives de rÉtat, à Mons.

MDCXIX.

Mandement de Jacqueline, duchesse de Bavière, comtesse de Hainaut, etc., par lequel elle ordonne au receveur général de Hainaut de payer à Jean de Goch, son secrétaire et clerc de la dépense, la somme de 600 livres tournois pour ses frais et ceux de son hôtel à Mons, en la troisième semaine de septembre ^4-28\

(46 septembre U!28.)

Jaque, par la grâce de Dieu, ducesse de Bavière, comtesse de Haynnau, de Hollande, de Zellande, de Ponthieu et dame de Frise, à nostre chier et

* Du 10 au 25.

bien amé Jehan Rasoir, général recepveur de nostredit pays de Haynnau, salut. Nous vous mandons et expressément enjoingnons que, pour convertir en la despence de nous et nostre hostel faitle en nostre ville de Mons et aultrement, en le troisime sepmainne de septembre l'an mil quatre cens vingt et wit, vous bailliez et délivrez à Jehan de Goch, nostre secrétaire et clercq de la despence de nostredit hostel, le somme de six cens livres tournois, monnoye de nostredit pays et comté de Haynnau, et par rapportant ces présentes, nous voulons que, par les commis al audicion des comptes des officyers de nostredit pays et comté de Haynnau, celuy somme vous soit allouwée et rabattue as prochains comptes que vous ferez de vostredit office, sans aucun contredit ne difficulté. Par le tesmoing de ces lettres, données sur nostre signet, en l'absence de nostre séel, le xvj« jour du mois de septembre oudit an mil quatre cens vingt et wit.

J. DE Gogh.

Original , sur parchemin , auquel est annexé un petit sceau en cire rouge. — Trésorerie des chartes des comtes de Hainaut, aux ArchiTes de r£tat,àMons.

MDCXX.

Lettres de Philippe, duc de Bourgogne, bail, gouverneur^ mambour et héritier du Hainaut, et de Jacqueline, duchesse en Bavière, comtesse de Hainaut, etc., contenant la teneur du serment gue la ville de Falenciennes leur a prêté,

(19 septembre 1428, à Valenciennes.)

Philippe, duc de Bourgoigne, bail, gouverneur, mambour et héritier des pays et conté de Haynnau, et Jacque, par la grâce de Dieu, duchesse en Bavière, contesse de Haynnau, Hollande, Zellande, Pontieu, dame de Frise, à tous ceulx quy ces présentes lettres verront, salut. Savoir faisons que, aujourd'huy, noz bien amez les prévost, eschevins, jurez, conseil et bonnes gens de nostre ville de Vallenchiennes nous ont faict et juré les sermens de la paix en la fourme et manière quy s'enssuit :

Nous jurons et crëantons ma très redoublée danime, madamme Jacque de Bavière cy présente, et la recognoissons estre directe damme héritière des pays de Haynnau, de Hollande, Zellande et de Frise, pourveu que à noslre très redoubté seigneur, monsieur le duc de Bourgoigne cy présent, comme rewart et hoir d'iceulx pays, serons obéissans et subject, et à nul aultre selon la teneur de la paix. Ainsy nous voeuille Dieu aider et tous les sainctz! Item, nous jurons de à mon très redoubté s^"^, monsieur de Bourgoigne, estre bons et loyaulx; et avec ce que paravant l'avons recheu comme bail, mambour, gouverneur et hoir doudit pays de Haynnau, encoires nous le recepvons en nostre rewart, bail, mambour, gouverneur et droit hoir desdis pays de Haynnau, de Hollande, de Zéelande et de Frize, et prommettons de luy estre obéissans, assislans et aidans de nos corps et de noz biens, en la manière anchiennement acoustumée, contre ung chacun quy en ce luy vauldroient mettre empeschement. Et en oultre, luy ferons tout ce que bons et loyaulx subgés sont tenus de faire à leur rewart, bail, mambour, gouverneur et droit hoir, selon le contenu de la paix. Et ce ne lairons-nous pour quelconcque chose. Ainsy nous voeuille Dieu aider et tous les sains ! Iterrij nous vouons et jurons de tenir et acomplir en tous ses poins la paix quy icy a esté leute, sans au contraire faire en conseil ne en faict, secrètement ne publicquement, en quelque manière. Ainsy nous voeuille Dieu aider et tous les sainctz !

En tesmoing desquelles choses, advons, duc et duchesse dessus nommés, faict mettre noz seaulx à ces présentes. Donné en laditte \i\\e de Vallenchiennes, lexix* jour de septembre, l'an de grâce mil HIJ^^XXVHJ.

Jean Cocqueau, Deuxiesme volume des Mémoires de la ville de Vallenciennes, fol. 84 v-Sb.

DES COMTES DE HAINAIJT. f5

MDCXXl.

Lettres par lesquelles Philippe ^ duc de Bourgogne^ comte de Flandre, etc , mande à son bailli d'Alost que la duchesse Jacqueline de Bavière ayant cédé à la duchesse sa mère la jouissance viagère des terres et seigneuries de Flobecq et Lessines, tenues du comté de Flandre^ cette dame doit être admise à faire hommage desdites terres, après en avoir été adhéritée selon la coutume, en présence des hommes de fief du pen^on d'Alost.

(20 septembre 1428, à Vaienciennes.)

Philippe, duc de Bourgoingne, conte de Flandres, d'Arlhois et de Bouigoingne, palatin, s^' de Salins et de Malines, à nostre bailli d'Alosl ou à son lieutenant, salut. Noslre très chière et très amée tante la ducesse de Baivière, contesse de Haynnau, Hollande et Zéellande, nous a fait exposer que jà soit ce que nostre très chière et très amée seur, dame Jaque, ducesse de Baivière, contesse de Haynnau, Hollande et Zéellande, sa fille, de long temps eust donné, cédé et transporté à nostreditte tante, sa mère, ses terre, chastel, villes et seignourie de Flourbert et de Lessines avœcq les appertenances, tenues de nous à cause de nostre conté de Flandres, pour en icelles estre adhérité par loy, selon la coustume du pays, comme en tel cas appertient, et en prendre et lever toutes les rentes et revenues, le cours de la vie de nostreditte tante durant; toutesvoies, obstant les guerres qui ont esté ou ' pays de Haynau et aultres empeschemens, nostredicte tante n'y est encore ahéritée et ne pouroit estre encore de présent, obstant certain édit jà piéchà fait par feu nostre très chier seigneur et bisayeul Loys, conte de Flandres, dont Dieu ait l'âme, entretenu jusques à ores, sans avoir sur ce nostre oclroy, dont icelle nostre tante nous a très instanment fait requerre. Pour quoy nous, eus considération aux choses dessusdictes, inclinans à la requeste de nostredicte tante, vous mandons et commettons, par ces présentes, que, par vous prins des hommes de fief de nostre perron d'Alost tels et en tel nombre qu'il appertient, vous recepvez le werp et déshéritement

* Ov, au.

de nostreditte seur. desdis fiefs et terres, ensemble des appertenanches, et y ahéritez bien et à loy, selon la coustume du lieu, nostre devantditte tante, le cours de sa vie durant, en y procédant et faisant tellement aux frais et despens d'elle que la loy du pays le pourra souffrir, soit en alant hors de nostredit pays de Flandres en Haynau ou ailleurs devers les parties où elles vous feront requerre. Mandons et commandons à nosdis hommes de fief et à aultres noz subgés que ainsi le fâchent, nonobstant qu'il ne vous soit apparu ne appara que nostre dessusdicte suer, sa fille, nous en ait fait foy et hommage, sauf en aultres choses nostre droit et l'autruy. Mandons, en oultre, et commandons et estroilement enjoingnons, par ces meismes présentes, à noz amez et féaulx les gens de noz comptes à Lille, à nostre recepveur général de Flandres et à tous qu'il appertient, que des drois, qui à nous compétent, à cause de ladilte aliénation, don et transport dudit fief, lesquels drois nous avons, de nostre certaine sienche et grâce espécial, donné et quitté, donnons et quittons à nosdictes tante et seur, ilz le tiene[nent quittes et paisibles, en faisant de nostredit don et quittance plainement, paisiblement et entièrement joyr et user, sans aucunement estre fait, orres ne ou * temps advenir, quelque chose au contraire, comment que che soit : lesquelz drois nous voulons estre aloués en vos comptes dudit bailliage d'Alost, par nosdittes gens de nos comptes à Lille, sans contradixtion aucune, par rapportant avec ces présentes lettres de recongnoissance de nosdictes tante et seur, ou de l'une d'elles seullement, d'en avoir esté par vous tenues quittes et paisibles. Car ainsi, de nostre grâce espécial, le voulions estre fait, nonobstant que, par nos ordonnances, avons volu que à don que feissons de telz drois seignouriaux à quelque personne que ce fust no fust obéy que pour la moictié, dont relevons nosdicte tante et seur, attendu meismement la grant proximité de lignage qui est entre elles et nous. Et quant à ce, ne les voulons aucunement estre comprises en nosdictes ordonnances et quelconques autres ordonnances, mandemens ou deffenses à ce contraires. Donné à Valenchiennes, le xx°jour de septembre, l'an de grâce mil quatre cens vingt et huyt.

Par mons^"" le duc, vous présent, T. Bonesseau.

Insérées dans Tacle du 29 octobre 1428. * Oïl, au.

DES COMTES DE HAINAUT. il

MDCXXII.

Mandement de Jacqueline, duchesse en BavièrCj comtesse de Hainaut, etc., ordonnant qu'il soit délivré cinquante chênes du bois de Mons à Etienne d'Ittre, son écuyer, en considération des perles qu'il a subies durant les guerres.

(24 septembre 1428, à Valenciennes.)

Jaque, par la grâce de Dieu, ducesse en Baivière, conlesse de Haynnau, Hollande, Zéellande et de Pontieu, dame de Frise, à noslre très chier et bien amé Jehan Rasoir, recepveur de nostredit pays et comté de Haynnau, salut. Comme de loing temps fuissons tenu et redevable à nostre bien amé escuier Estiène d'iltre en la montance et nombre de cent quesnes et lui euissons yceulx recongneu en l'an mil IIIJ*' dix-sept et par noz lettres patentes en fait assenne sur noz bois de Hal, sur lesquelx, pour certaines causes, ne puet estre saltifïîez : pourquoy, nous venue en nostredit pays de Haynnau en l'an 11IJ° vint et quatre, nous supplia humblement que, en rabat d'icellui nombre de cent quesnes, lui en vousissons pour lors faire avoir et livrer chinquante en noz bois de iVlons, dont nous à ce jour, inclinée à la requeste de nostredit escuier, lui feismes baillier noz lettres adrechans à nostre bien amé serviteur Jehan du Frasne, qui pour lors excersoit l'oQice de nostre recepte, par le vertu desquelles lesdis chinquante quesnes furent, présent ledit du Frasne et nostre bailli des bois adont, par le maistre carpentier de nostredit pais férus et enseigniez du grant martel ainsi qu'il est de coustume. Et pour ce que, par les guerres et autres occuppacions qui ont esté en nostredit pays, ledit Estiène n'a peu copper et faire d'iceulx quesnes son prouffit, mais sont demourez drois en nostredit bois de Mons au lez dit le Gart, comme entendons; nous, pour secourir aux neccessitez et affaires d'icellui, qui a eu ou ' temps desdittes guerres toutes ses maisons et édefices arses et destruites, vous mandons et commandons que audit Estiène d'Ittre ou à son commis, fâche délivrer yceulx l quesnes ainsi enseigniés, et lui laissiez et souffrez prendre et mener hors de nostredit bois pour en faire sondit prouffit ainsi que mieux poura; et ou ' cas que aucuns

» Ou, au.