Tome V

MDCLXXXVII.

Lettres de Marguerite de Bourgogne, duchesse de Bavière, comtesse douairière de Hainaut, de Hollande et de Zélande, par lesquelles elle octroie à la ville d'Ath la continuation, jusqu'à la Chandeleur i 439 (n. st.), de la maltôte avec l'augmentation de deux deniers tournois au lot de vin et ' d'une maille au lot de cervoise, pour servir au payement des rentes constituées par ladite ville, à cause des guerres.

(U juillet i430, à Ath.)

IVÏargueritte de Bourgoingne, par la grâce de Dieu, ducesse de Bavière, contesse de Haynnau, Hollande et Zéellande, à tous ceux qui ces présentes lettres veront, salut. Savoir faisons que présentement se sont trais pardevers nous les maire et eschevins de nostre ville d'Ath, ou * nom et pour tout le corps et communaulté d'icelle, remonstrans humblement comment, pour les grans charges qu'il avoient, environ siis ans, à le grande mortalité qui y avoit esté, leur fu accordé de hauchier et engrandir la malletôte et assise accoustumée à rechepvoir en icelle nostre ville, comme de deux deniers tournois sour chascun lot de vin et de une maille tournois sour chacun lot de chervoise, pour icelle grâce durer le terme de siis ans enthirs, lesquelz seront expirez le wytysme jour de janvier prouchain; se nous ont supplyé que laditte malletôte et hauche leur vouizissions souffrir rechepvoir certain terme, pour, les deniers qui en venroient, convertir ou * raccat des pentions qu'il leur a convenu vendre, et aultres affaires qu'il ont susportez à cause des guerres et aultrement. Nous, sour ce prinse et eue délibération de conseil et juste infourmation que la requeste est fondée en bonne raison, avons aujourd'uy, de notre grâce espétial, oltroyé et accordé et par la teneur de ces présentes ottroyons et accordons que, du jour de laditte espiration en avant jusques au jour de Nostre-Dame c'on dist Candeller l'an mil quattre cens et trente-wyt, les susdiz maire et eskevins lièvent et rechoivent laditte malletotte accoustumée et haulce dessus esclarchie, pourveu que les deniers qui en venront, convertiront oudit raccat des pentions et aultres affaires touchans le bienetprouffît de nostreditte ville, et

' Ou, au.

DES COMTES DE HAINAUT. ii5

non aultrement. Et voulions et ordonnons que celuy ou ceulx qui seront commis par les susdiz à rechepvoir icelle malletôte soit ou soient tenut d'en faire et rendre bon compte à nous ou à noz commis toultes fois que besoing sera. Et parmi tant, mandons et commandons à tous noz subgiez où il appertient que à ceste nostre présente grâce obéissent diltiganment, et à noz officiers, celuy ou ceulx qui requis en seront, que les désobéissans à ce y constraindent. Car ainsi le voulons, tesmoing cestes ausquelles avons fait mettre nostre séel. Données en nostreditte ville d'Ath, le vingt-quattreysme jour du mois dejullet, l'an mil quattre cens et trente.

{Sur le pli .)

Du command madamme la ducesse, présens le s^"^ de Haynin et autres ses conseilliers;