mars

Ego Galterus dominus Wangionis rivi, notum facio universis presentibus et futuris me vendidisse, laude uxoris mee Ysabel, et liberorum meorum Galteri, Guidonis et Girardi, domui et fratribus Clarevallis, pro quadragentis libris quas eisdem fratribus Clarevallis debebam, molendinum Longi campi et sedem ipsius molendini in eo usu et aisantiis omnibus in quibus ego ipsum molendinum tenebam, et piscaturam ipsius molendini et sedem molendini quod &icitur Ascelini subtus eandem villam, et aisantias circa eandem sedem ad faciendum molendi-

num vel estachamentum, et quicquid juris, justicie et proprietatis ego er homines mei habebamus in terris, pratis, aquis, a sede molendini Ascelini usque ad fluvium Albe. Et sciendum quod homines mei de predictis omnibus per bonos viros competens excambium habuerunt. Sciendum est etiam quod homines mei predicte ville Longi campi ad idem molendinum vel aliud quod dicti fratres Clarevallis edificabunt si voluerint in predicta sede molendini quod dicitur Ascelini, molent eadem mensura molture qua molere antea solebant, et ad molendinum aliud ipsos homines molere non permittam, nec edificabo raolendinum, nec ab aliquo permittam edificari in tota banleia sepedicte ville Longi campi. Si vero domum edificare voluero in mota que sita est juxta molendinum predictum, bene licebit mihi, ita tamen quod sepedicti fratres Clarevallis nullum inde nocumentum sustineant vel gravamen. Et de his omnibus firmiter tenendis ego et predicta uxor mea, et predicti liberi mei, fide interposita, promisimus nos portaturos contra omnes homines omnimodam garantiam. Et si contra aliquod predictorum aliquando venero, quod Deus avertat, vel si de portanda garantia defecero, volo et requiro ut dominus episcopus Lingonensis me et heredem meum excommuniat et totam terram meam interdicto supponat quotiens à fratribus Clarevallis requisitus fuerit. Que ut rata et firma in perpetuum permaneant, presentem cartam sigilli mei munimine roboravi. Actum anno gratie M° cc° xxIIII° mense martio.

Cartulaire de Clairvaux II, Vignory xxx. — Approbation de Hugues, évêque de Langres, ibid., xxxI.

Ego Galterus dominus Vangionis rivi, notum facio omnibus præsentibus et futuris, quod ego dedi et concessi

pro remedio animæ meæ et antecessorum meorum, in perpetuam eleemosynam, monachis sancti Benigni, Amaniart, filiam Ioiat, de Veteri villa. Quod ut ratum et firmum permaneat, sigilli mei munimine roboravi. Actum anno M. CC. XXV.

Cartulaire de Saint-Bénigne, n° 207. — Pérard, p. 407.