janvier

Ego Galterius dominus Vangionis rivi, notum facio universis presentes litteras inspecturis, me concessisse charissimo domino meo, Theobaldo illustri Campaniæ et Briæ comiti palatino, quod si nobilis vir Otho dux Meraniæ, dominus meus, et Beatrix, uxor ejus, forsitan resilirent de conventionibus quas habent cum jipso Theobaldo comite, sicut in litteris ipsorum plenias continetur, ego, post quadraginta dies quod essem requisitus a domino Theobaldo comite Campaniæ, per se vel per nuntium suum, vel per litteras suas, sine contradictione venirem ad ipsum, cum toto feodo quod teneo de domino duce Meraniæ, et illud feodum tenérem in perpetuum a Theobaldo comite Campaniæ. In cujus rei testimonium, sigilli mei munimine (hanc cartam) roboravi. Actum anno domini millesimo ducentesimo vigesimo quinto, die lunæ post octavam Epiphaniæ.

Liber principum, tome II, fol. 531, — Cat. des actes, n° 1688.

4102. — (décembre 1227)

Ego Gaiterus dominus Wangionis rivi, notum facio universis presentes litteras inspecturis, quod ego, pro

remedio anime mee et predecessorum meorum, dedi et concessi in perpetuam elemosinam, Deo et ecclesie beati Petri monasterii Dervensis, quicquid juris habebam in domo de Chancort cum omnibus suis appendiciis e' pertinentiis ad faciendum ibidem prioratum, videlicet forestam que est inter Chancort et Culmont, terras et prata, et furnum de Blesia, et novum molendinum, et terragia de Blesia, exceptis portionibus illis que contingunt dominum Huzonem de Vaudrimunt et dominam Heloidam de Castellione, et grangiam de Blesiaco cum appendiciis suis, et domum Dei Wangionis rivi, cum suis appendiciis. Concessi etiam eidem ecclesie omnes homines et feminas quos et quas habebam apud Gundricort juxta Blesiam, cum omnibus suis hereditatibus. Dedi etiam dicte ecclesie et concessi pasturas rer totam terram meam in nemoribus et in plano. Retinui autem michi in predictis avoeriam et gardam tantum modo ita quod gistum nec procurationem, nec ego, nec heredes mei, nec ministrales mei, nec canes, nec venatores mei, in illis habebimus. Donavi insuper et coucessi ecclesie supradicte usuarium in nemoribus meis ad edificandum domos et reparandum, et etiam ad molendinum edificandum et ad comburendum et ad furnum Blesie calefaciendum, et ad omnia necessaria, ita quod non possit dicta ecclesia dare nec vendere. Sciendum autem quod dicta ecclesia a festo nativitatis beate Marie usque ad natale domini non poterit mittere porcos in nemora mea nisi de licentia mea. Hanc autem donationem nobilis mulier uxor mea Isabel, Galterus, Guido, Girardus, Margarita, pueri mei, benigne concesserunt et laudaverunt. In cujus rei testimonium presentem paginam sigilli mei munimine roboravi. Actum anno domini M° co? vicesimo septimo, mense decembri.

Deuxième Cartulaire de Montierender, fol. 79.