avril

Ego Galterus dominus Wangionis rivi, notum facio universis presentes litteras inspecturis, quod cum discordia verteretur inter me ex una parte, et viros religiosos abbatem et conventum Clarevallis ex altera, super terris, pratis et vineis quas ipsi Clarevallenses acquisierunt a me et ab hominibus meis in terra mea, tandem, de consi-

lio bonorum virorum, pacificatum est in hunc modum : quod ego, laude et assensu Marie, uxoris mee, concessi, quitavi et confirmavi antedictis abbati et conventui Clarevallis quicquid acquisierunt in tota lerrà mea, potestate et dominio meo, a me et ab hominibus meis, videlicet in terris, pratis et vineis, pacifice et quiete possidendum, de quibus dicti Clarevallenses erant in possessione die confectionis presentis instrumenti. Promisimus etiam ego Galterus, et Maria, uxor mea, supradicti, fite corporali prestita, quod nunquam veniemus nec venire faciemus contra quitationem, concessionem seu confirmationem supradictam. Et pro omnibus supradictis ego prefatus Galterus et Maria, uxor mea antedicta, recepimus quinquaginta libras pruviniensium fortium a supradictis Cla- revallensibus in pecunia numerata. De hac autem quitatione, concessione et confirmatione firmiter imperpetuum observanda, ego predictus Galterus, de voluntate Marie, uxoris mee supradicte, obligavi et obligo me et heredes meos seu successores ad omnimodam garantiam portandam antedictis fratribus Clarevallensibus quoc'enscumque opus fuerit contra omnes. In cujus rei testimonium sigillo meo et sigillo sepedicte Marie, uxoris mee, de ipsius voluntate, presentem paginam roboravi. Actum anno domini millesimo ducentesimo quinquagesimo secundo, mense aprili:

Original : Archives de l'Aube, 3 H. 164. — Cartulaire de Clairvaux II, Vignory, XXXIX.