septembre

Je frère Hugues chanoignes de Cornuel de l’ordre de Prémostré, fais savoir à touz, dy et confessoi an doi (Dieu) et an l’arme de moy et par mon serement que je fu à Jussey ou chastel et ou maisenement le conte Hugon de Bourgoigne que adon vivoit, et vis et oys que ly sires de Voignorry recongneut que il davoit tenir Regney du conte de Bourgoigne pour raison des fiés dou conte de Bourgoigne, et le reprit et an antra an son homenaige, el que je ly ois recongnoistre que ly sires de Coulans le tenoit du seignour

de Voignorry, et à ceste reprise faire et à toutes ces choses reconoistre furent messire Jaques de Valefanz, messire Jaques de Monboson, messire Jaques de Gouclans, messire Othes de Cheps, messire Ferry de Bannans chastellains de Jussey, chambellanz de Jussey, et plusor aultres gens, frère Guy de Jussey, frères monsoignour Olivier, moignes de Chierliu, et an furent faictes lettres qui furent portées à Chierliu, et toutes ces choses dessus dictes furent faictes ung grant juedi, et sai et suis certains que il à trante et cinq ans et plus. Et por ce que ce soit plus créauble chose, je ay seellé ceste lettre de mon seel en tesmoingnaige de vérité, qui furent faictes et données le jour de l’uitave de nostre Dame en septembre, l'an courant par mil deux cens quatre vins et sept.

D'après un vidimus du 26 décembre 1444 dressé par Jean Prévost, de Poligny, et Symon Lochin, demeurant au même

(1) Cette date correspond au 13 juin 1278, et non au mois de juillet, comme on le lit dans Pérard.

lieu, clercs, notaires et tabellions généraux au comté de Bourgogne, Archives de la Côte-d'Or, B. 1065. — Copie collationnée, aux mênes Archives, B. 10440, fol. 54 vo (1). — Cartulaire des titres et chartes du comté de Bourgogne, fol. CLxv. ‘