avril

Je Ferriz de Bannans chevaliers, fais savoir à touz ces qui verront et orront ces présentes lectres que, pour ceu que je ai entandui que aucuns destors est ou peut advenir sur le fié de Rigney, je, dotanz que ja véritei ne peut estre celée et amoindrie par défaut de ceu que je ne la ahusse manifestée à mon povoir, tant diz que con Dex me donne espace de vie comme à cellui qui suis anciainshons, et atant à Dex et à totes houres que Dex face son commandement de moi et me mate en la voie de toute char, sur le fait doudit fyé de Rigney je di et tesmoignoi par mon serement la véritei en la manière dessoubz escripte, c'est assavoir que je fui à (Quingey, mot gratté) où estoient li coens Hugues de Borgoigne et la contesse Aalis, sa femme, de bonne mémoire, et messires Gauthiers sires de Vegnorri, cu Dex absoille, et emqui reprist lidiz Gauthiers sires de Vegnorri doudit conte de Borgoigne et de ladite contesse en accroissemant dou fyé de Vegnorri qui tenoit de lor, le fyé de Regney et des appartenances que li sires de Coublans tenoit en fyé doudit seigneur de Vegnorri, et ceste chose sais-je, quar je estoie présanz et

le vi et oi, et aidis à traitier, et estoie de la maisnie dou-.

(1) Ce Cartulaire (B. 10440) contient un certain nombre d'actes et de lettres concernant les fiefs du comté de Bourgogne. Il fut rédigé par ordre du duc Philippe-le-Bon, aux assises tenues à Jussey en décembre 1444 (Voir Peincedé, Recueils de Bourgogne, tome II, p. 74), et fait partie de la série de pièces recueillies à cette époque par les officiers du duc pour maintenir ses droits sur les anciennes mouvances du comté,

hi FE PCA TE A Se ETS

. dit conte et de ladite contesse, et tout ne soie-je recors précisémant dou termine, moi samble qu’il ai encor quarante anz po plus ou po moins, et que ceu fut en est2y ou en aost. Et ceu est la véritei ou péril de l’ar:ie de moi, laqueile véritey pour ceu que je vuil qu’elle soit save et lice se besoing esto't tels que je ne la peusse dire, j'ai fait ecscripre en ceste lettre et ay prié et requis à religieuse persone l’abbei dou Mont Sainte Marie de l’ordre de Citeaus de la diocèse de Besençon qui mete son seal en ceste lettre. Et nos lidiz abbés dou Mont Sainte Marie pardevant cu lidiz mes sires Ferriz ay juré et tesmoignié par son sairement les choses dessus dites estre vraies, avons mis nostre seel en ces lectres, faietes et données le venredi davant sains Pals, l’an mil dous cenz et nonante, ou mois d'avril.

Vidimus dressé à Poligny le 24 décembre 1444 par les notaires Prévost et Lochin : Archives de la Côte-d'Or, B. 1065.