QUARTA DE QUADAM VINEA

Noverit universitas fidelium tam futurorum quam presentium, quod ego Galterus dominus Wangionis rivi, laudavi et volui prioratui de Wangionis rivo in perpetuo possidendam vineam que fuit Xristiani Escorneileivre, que sita est juxta vineam monachorum Wangionis rivi. Et ut fratres dicti prioratus in perpetuo de ista vinea gaudeant, et in bona pace et firma teneant, presentibus litteris, precibus et assensu omnium heredum dicti Xristiani, sigillum meum apposui. Actum anno ab incarnatione domini nostri Jhesu Xristi millesimo ducentesimo tertio decimo, mense maii.

(1) Ce mot s’entendait indifféremment de toute espèce de charge, fonction ou dignité : abbatialis dignitas seu alia quœævis prœæpositura.