LX VI

Enprès iço, i est Naimes venuz :

Blanche ont la barbe e tut le peil canut .

775 Meillur vassal n’out en la curt de lui,

E dist à T Rei : « Bien l’avez entendut ;

« Li quens Rollanz il est mult irascuz :

« De sun talent est il pesmes e durs.

« La rere-guarde est jugiée sur lui ; x N’avez barun ki jamais la remut.

780 « Dunez li l’arc que vus avez tendut,

« Si li truvez ki très bien li aïut. »

Li Reis li dunet, e Rollanz i’ad reçut.

Li Emperere ad apelet Rollant :

« Bels sire niés , or savez veirement ,

785 « Demi mun ost vus lerrai en présent : cc Retenez les , c’ est vostre salvement. »

Ço dit li Quens : « Jo n’en ferai nient.

« Deus me cunfundet, se la geste en desment!

« Vint milie Francs retiendrai bien vaillanz.

790 « Passez les porz trestut soürement :

cc Ja mar crendrez nul hume à mun vivant. »

Aoi.