LES PRÉLUDÉS DE LA GRANDE BATAILLE

Oliviers muntet desur un pui halçur :

Guardet suz destre par mi un val herbus,

Si veit venir cele gent paienur.

1020 Si’n apelat Rollant sun cumpaignun :

« Devers Espaigne vei venir tel bruur,

« Tanz blancs osbercs, tans helmes flambius I « Icist ferunt noz Franceis grant irur.

« Guenes li fel en ad fait traïsun 1025 « Ki nus jugat devant l’Empereür.

a — Tais, Olivier, » li quens Rollanz respunt ; « Mis parrastre est : ne voeill que mot en suns.

LXXXYII

Oliviers est desur un pui muntez :

Or veit il bien d’Espaigne le regnet,

1030 E Sarrazins ki tant sunt assemble!.

Luisent cil helme, ki ad or sunt gemmet E cil escut e cil osberc safret E cil espiet, cil gunfanun fermet.

Geles eschieles ne poet il acunter :

1035 Tant en i ad que mesure n’en set.

En lui meïsme en est mult esguarez ;

Cum il einz pout, de F pui est avalez :

Vint as Franceis, tut lur ad acuntet.