EXPULSION DU COMTE DE CHAMPAGNE (1Î

S'avint que li Quens de Campaigne De sa gent et de sa compaigne Ot envoies tous primerains Prendre rices osteus à Rains.

Et il meismes i venoit.

Si qu'à .II. lieues près estoit :

Mais quant la Roïne le sot Et ses fius , moult grant joie en ot Pour son seignor, qu'en Aubijois Avoit relenqui sour defois , Mauvaisement et auques tost.

Si dist la Roïne al prouvost De Rains et as Kameignes totes Que de Rains otassent ses routes , Ne que ja li Quens n'i entrast Pour prendre vallant un repast.

Et le prouvost vint as siergans Le conte , o lui aus ne sai quans ; Si leur commanda à issir Tout bellement et par loisir.

Et cil disent que non feroient:

Le Quens venoit; si l'atendoient.

Et quant le maire ot lor respeus , Si fist entrer en lor osteus , Et lor banières fors gieter Et trestout lor harnois oster.

Si les kacièrent si de Rains Que tous liés fut li premerains.

Et li Quens sa mesnie esta, Qui toute sa vie outré outra.

Si lor a dit com faiteinent Furent démené laidement.

Et le Quens s'en est retournés Tous courreciés et for.senés ; Quar tôt esraument li mandèrent Le Baron , qui od l'enfant ièrent, Qu'il ne fermast castol ni tor,

Ne campagne ne la entour , Et seust bien, s'il le faisoit, Toute France sor lui iroit.

Ph. Mouskes, t, 2. p. 564.