CHANSON SURLA GUERRE DE

— Gautiers, qui de France venés, El fustes aveuc ces barons ,

Qu'or me dites, se vos savés , Quels est la lor entensions?

Durra mais tous jors lor tensons , Que ja nés vairons acordés ?

Ne ja nés verront si mellés, Que perciés en soit uns blasons. »

— Pières, se nostre cuens Henris En est creus , et H Bretons ,

Et les Bretons qu'est si osés , Et li sires des Borguignons, Ainçois que paissent rouvesons Verres Baicles si raussés Que lors bobans sera matés :

Ja Rois ne lor iert guerisons. »

— Gautiers, trop dure longuement Cist menaciers , et si valt pou.

Mal semble qu'il aient talent D'eus vengier : si ont-il par fois.

Chascun jor assemblés les voy De loing venir à tout grant gent :

Bien perdent honor et argent , Quant il ne font ne ce ne quoi. »

— Pières, on a veu sovent Mesavenir par grant desroi :

Honor ont fait à escient

Et li Chardenal et li Roi ,

Qui les a menés en besloi

Par le conseil dame Hersant.

Dès ore ira la paille avant : (à vent)

Ce puet chascuns penser k soy. >

— Gautier, je ne m'i os fier:

Trop les vol lens & cest mestier.

Lou bel tens ont laissié passer ;

Tant que doit plovoir et negier.

Et quant plus les voi correcier Et de la cort por mal torner, S'en font .11. ou .111. demorer Por treuve en covert raloignier. »

— Pierre , ne font pas à blâmer Cil qui en partirent premiers, Qu'ains puis ne vorent demorer, Mais nostres coronés légiers Por le Chardenal losengier , Qui il n'osèrent rien véer :

Et por ceuls de blâme geter Firent la femme un pou laissier, » (1)