CHANSON SUR LA GUERRE DE

Je chantasse volentiers liéraent , Se je trovaisse en mon cuer l'ochoison , Et desisse et l'estre et l'errement , Se j'osasse mettre m'entention, De la grant cort de France au dous renon, Où tout valors se baigne.

Des prodomes me lo, qui qui s'en plaigne. Dont tant i a, que bien porront veoir Par tant, je cuid, lor sens et lor savoir.

. De ma Dame vous di-je vraiement Qu'ele aime tant son petit enfançon Que ne velt pas , que se travaut se vent En départir l'avoir de sa maison :

Mais ele en done et départ à foison : Molt en envoie en Espaigne Et molt en met en enforchier Champaigne . S'en fait fermer chastiaux por mieux valoir : De tant sont ja par li creu si oir.

Se ma Dame fust née de Paris , Et elle fust Roine par raison.

S'a elle assez fier cuer , ce m'est avis, Por faire honte à .i. bien haut baron Et d'alever .i. traitor félon.

Diex en cest point le maintiegne , Et gart son fil que ja feme ne pregne ! Car par home ne puis je pas veoir Qu'ele perde jamais son pooir.

Prodorae sont et saige et de haut pris

S'en doivent bien avoir bon guerredon Cil, qui 11 ont enseignie et apris A eslongier ceaus de ci environ.

Ele a bien fermée sa leçon ; Car tos les het et desdaigne Bien i parut l'autre jour à Champaigne, Quant li baron ne porent droit avoir, Ne nés daigna esgarder , ne veoir.

Que vont quiérant cil fol baron bregier , Qu'il ne viegnent à ma Dame servir.

Qui miex saroit tout le mont justicier Qu'entr' aus trestous d'un povre brouc joïr , Et del trésor s'ele en fait son plaisir ? Ne volt qu'à aus en ataigne ; Conquise en a la justice Romaigne.

Si qu'elle fait les boins por maus tenir Et les pleuseurs en une eure saintir (sic).

Diex , li las de la Bretaigne , Trovera-il jamais où il remaigne, S'ensi li velt tote terre tolir ?

Dont ne sai-je qu'il puisse devenir.