SECONDE LIGUE DES BARONS

Or revendrons as barons, qui ne pensoient se mal non envers la Roïue de France et faisoient souvent parlement ensemble; et disoient qu'il n'estoit en France qui les puist gouverner et veoient que le Rois estoit jouenes et si frères, et poi prisoient la mère. Si foloièrent ensemble et firent entendre au conte de Boulogne que il en feraient roi. Et il n'estoit mie moult sages : si les crut. — Et prisent conseil que il se prenderoient premiers au conte Thibault de Champagne et li meteroient sus la mort le Roi Loeys pour quoi qu'il l'avoit laissiet à Avignon et s'en estoit partis mauvaisement comme traîtres : et s'il l'avoient mort ou pris , il n'averoient mais nul contredit au royaume conquere. — Ensi fu atourné : et li quens de Boulogne ala deffier le conte Thiébault par .11. chevaliers et li demanda entresait la mort son frère. Le Quens en fu moult esbahi et fist semonre les hommes et lor demanda consels que il feroit : et si homme le respondirent malement; car il estoient tout tourné deviers les barons.

Chronique de Rains. Paris, 1837, p. 182.