IV. JE CHANTERAI MOINS RENVOISÏEMENT

Cil qui sevent plus de baratement,

Ce sont or cil qui ont plus de monoie ; ■ 12

Deleateis durement monteploie.

Et louzangier louzangent cruelment,

De lor signor amblent deloiaument;

Bien sai qui sont, se nomer les voloie. 16

Nulle douçor an lor cuer ne dexant ;

Ja mais an aus fier ne m'oseroie ;

Fel vilains heit franc home durement

Quant il lou voit a meschief, s'an copoie ; 20

Il n'at pitiet de nulle riens qu'il voie,

Ansois an gabe et' an xifle forment ;

La traïson an son félon cuer prant ;

Bien fait qu'il doit : por coi l'an blameroie ? 24

' Se j'astoie riches de tenement.

Tous vilains fors de mon consoil metroie,

S'ameroie mes homes bonement,

Boins chevaliers près de moi retenroie, 28

Et bonement mon conseil lor diroie,

Et lour donroie dou mien largement,

Boins compains lor seroie loiaulment.

Si c'a besoing bien fier m'i poroie. 32

Nuns bons ne puet terre tenir granmant

Sans chevaliers (por coi an mantiroie ?),

Dont lor doit on bien doner largement

Et honorer, por droit lou jugeroie. 36

Sachiés, se je ne cuens ne rois estoie,

Donroie lour mon or et mon argent,

Dames et damoizelles ausiment :

Plus bial trésor faire je n'en poroie. 40

VI Or ai chanteit, car talant an avoie. Vilains est cil qui vilonie antant.

Je n'ai chanteit fors por ansignement, S'acuns lou trait sor lui, ju c'an poroie ? 44