V. — Envie, orguels, malvestiés, felonnie

I Envie, orguels, malvestiés, felonnie Ont le siècle si tout a lour voloir Ke loiaulteis, valors, joie et franchise Et tuit li bien sont mis en nonchaloir, 4

Ne il n'est nuls c'om puisse apercevoir C'a guilleir n'ait toute s'entente mise Ou soulement a amaisseir avoir. 7

II Felonnie est semée et bien reprise : Chascuns travaille a amaisseir avoir, N'el siècle n'ait home ki rien se prise Se il n'en puet raisiné ou branche avoir ; u

Car ki muels seit traïr et décevoir Et a mesdire ait muels s'entente mise Muels est prixiés et plux cuide valoir. 14

III Biaus sires Deus ! com est Amor perie Et li bien ki en soloient venir :

Humiliteis, lergesse et cortoisie ; Tout le siècle voi si avelenir 18

Ke s'il est nuls ki baie a bien servir Ou a bien faire por amor s'amie, On l'en mesdist et gaibe a départir. 21