V. ENVIE, ORGUELS, MALVESTfÉS, FELONNIE

IV Tant ont regneit mesdires et envie Ke li uns n'ose maix l'autre conjoïr, Et les dames perdent lor druerie, Ne pueent maix les servixes merir : 25

Cil les gaitent, cui Deus puist maleïr, Ke riens n'i ont fors soulement envie ; Tous les amans font a joie faillir. 28

V Loiauls, amans et sens mesure amee, Dame, d'amor, belle et bone sens peir, Saige et cortoise et tous jors désirée, Je n'ose a vos ne venir ne aleir, 32

Ne je ne puis un jor sens vos dureir, Maix tant redout ke n'en soies blaimee, Soûls m'en covient dedens mon cuer ameir. 55

VI Deus ! keil dolour quant ceu c'ai plux amee Me covandrait por félons eschiveir !

Nel ferait voir, dame, s'il vos agrée : Lor malvestiés ne nos puet riens greveir, 39

Ne bone amor ne doit por eaus fauceir, Car ki voroit atendre lor cellee En fol espoir poroit son tens useir. 42