XII. — Tant sai d'Amours

QUE CIL QUI PLUZ l'eMPRANT par.

Pierre de Molaines.

I Tant sai d' Amours que cil qui pluz l'emprant Et mieuz la sert et pis 11 est meri.

De ce sui liez que je la connoiz tant Que je en ai mon pensé départi

Et mon corage. >

Longement m*a deceù et trahi Par mon folage, Ne ja nus hom n'iert senez Qui trop siut ses volentez. 9

II Ahi ! Amours, de vostre faus samblant Deceveour, dont tout le mont chasti, Qui tant par est douz au conmencement, Tant que fin cuer avez pris et saisi

En vostre homage ; 14

Et quant il pluz vous criera merci

Pluz trueve outrage ; Pour ce sui de vous sevrez, Si n'en doi estre blasmez. 18

III Ce sachiez bien : qui en Amour s'atent Ne puet avoir nul poieur anemi :

Pluz est crueus quant l'en mainz se desfent, Ne het rienz tant com el fait son ami ;

Bien est sauvage. 25