XII. TANT SAI D AMOURS aUE CILQ.UI PLUZ L EMPRANT

Ha ! qui savroit les maus que j'en senti, L'ire et la rage, Ja ne seroit ses privez S'il n'estoit pluz que dervez. 27

IV En Amours a mauveses teches cent, Par coi cil a le poieur gieu parti Qui aimme adès que cil qui se repent, Ses joieus cuers vaut mieuz de cuer mari.

Qu'en lonc servage 32

Est qui aimme. Amours, je le vous di, A tel usage Que ja nus hom qui soit nez, Por qu'il aint, n'iert bienamez. 36

V Toutes les rienz q'umilitez desfent Et courtoisie et franchise autresi Faites, Amours, jel sai certainnement.

Pour ç'ai a vous et vous a moi failli.

Mal-seignorage 41

Fait mal servir; pour ce vous ai guerpi : En mon damage Perçui, si con vous savez, Vos tresgranz desloiautez. 4 S

VI Certes, Amours, ja maiz si finement N'amera nus ; pour ce n'en ai joï.

Tant vous trouvai orgueilleuse et tirant, Sanz guerredon, onques pitié n'i vi.

Autre voiage 50

Voudrai sivir, ce sachiez vous de fi.

Tout mon eage ; Quant de vous sui eschapez Bien serai rois couronnez. 54

VII A mon maistre t'en va, chançons, di li, Fai cest message Que mençonges et vertez M'ont fait Amours dire assez. 58