XXXII. — Al partir del tens félon

I Al partir del tens félon, Que l'erbe doit renverdir Et l'espoisse dou boisson Selonc nature florir, Vuel faire d'amor un son Por celi cui tant désir, Qui vers moi par traïson Vuet son corage covrir.

II Amors soloit estre vraie.

Mais or chainge sa nature.

Corne li solaz qui raie Sor chascune criature, Toz les vuet, toz les essaie.

Toz les prent et asseùre ;

Quels qu'il soit, nul n'en-esmaie,

Mais que de doner ait cure. i6

III Amors, qui sor tote rien Soloit avoir seignorage, Ne puis tenir en lien, Tant est de mal vais corage. 20

Puet qu'ele ot dire a li : « Tien », Sor li n'i quiert nul message ; Je n'en puis dire nul bien, Car mené m'a a folage. 24

IV Volez que die por coi La rotruange est trovee ?

Une me dona sa foi,

Mais, ensi fu deviseie ^.s

N'ameroit autrui que moi ; La fiance est trespasseie :

La sele del palefroi Est del tôt aroncineie. ^2

V Deus ! tant mar fu celé sele Que si est or avillie, Ki tant par iert bone et bêle Et si bien apareillie 56

Toz jors me sembloit novele, Ja tant ne fust chevalchie ; Or est si con la nacele Qui au port est cstachie. 40

VI Car qui vuet au port passer, Puis qu'il présente l'argent

XXXIIl. JE CHANTASSE d'aMORETTES 6i

Si lo fait on enz entrer ;

Mais celui qui n'a neient 44

N'a on cure de haster ;

Et je qui rien ne présent

Por l'or qui vint d'outre mer

Fui bailliez tôt ausiment. 48

vil Certes, or ai molt mesdit, Car riens ne li presentoie ; Trop ai mis en mon escrit; Merveil moi ou je pansoie. 52

Por aler jusqu'à son lit M'estoit molt corte la voie.

Eu en ai mon délit, C'est bien tens ke m'en recroie. 56