XXXIII. — Je chantasse d'amorettes

I Je chantasse d'amorettes S'en eusse l'aqoison ; Mais se je faz chançonetes, Ceu sera contre raison.

Femes sont mais trop noblettes Et trop de fauseté brettes, Amors n'ont mais que lo non, Amors ont malvais renon ; Car li riche al cuer félon Sont amé por faire don.

Et li cortois povres hom

Aime seus.

Anïeus Est li povres envïeus.

II Qui vuet avoir la baillie De s'amie a son talant, Bien gart k'avers ne soit mie, Mais penst que il doint sovent Cotte, mantel a s'amie, Peliçon et sosquenic Et chascun mois garnement Et tôt quank'ele despent, Et que celé ait de l'argent.

Qui lo plait fait autrement, 24

N'i trueve l'on nul samblant

Amoreus

Ne piteus • Ne plaisant ne deliteus. 2«

III N'i vaut mais riens cortesie Ne biautez ne biaus ators ; Nuns ne puet avoir amie, Tant i sache faire tors, Se sa borse ne deslie. 35

Amors lo povre home oblie, Ne li plaist pas ses sejors Puis qu'il ne puet tenir cors.

Li riches n'iert ja si lors Ne tant avules ne sors 38

K'il ne soit, hui est li jors,

Gracïeus.

Anïeus Est li povres envïeus. 42