I. — Ll NOUVIAUS TANS QUE GE VOI REPAIR1ER

par

Jacques dé Cysoing.

i Li nouviaus tans que ge voi repairier M'eùst douné voloir de cançon faire, Mais jou voi si tout le mont enpirier Q'a chascun doit anuier et desplaire ; 4

Car courtois cuer joli et deboinaire Ne veut nus ber a li servir huchier, Par les mauvais ki des bons n'ont mestier ; Car a son per chascun oisiaus s'aaire. 8

il Nus n'est sages se il ne veut plaidier, U s'il ne set barons le leur fourtraire ; Celui tienent li fol boen conseillier Ki son seignour dist cou ki li puet plaire. 12

Las ! au besoin nés prisseroit on gaire. Mais preudoume ne doit nus blastengier ; Non fais jou, voir, ja mot sonner n'en qier, Ne des mauvais ne puet nus bien retraire. 16

Chansons satiriques. i

m Une merveille oï dire l'autrier

Dont tout li preu doivent crier et braire,

Que no jone baron font espiier

Les chevaliers mains coustans, mais k'il paire ; 20

Teus les voelent a leur service atraire ;

Mais ce leur font li mauvais fauconnier,

Ki si durs giés leur metent au loirrier

Q.i leur en font ongles es pies retraire. 24

iv II n'i a roi ne conte si gruier.

S'il veut parler d'aucun bien grant afaire,

Ançois n'en croie un vilain pautounier,

Pour tant q'il ait trésor en son aumaire , 28

Ke le meillour ki soit juq'en Cesaire,

Tant le sace preu et bon chevalier ;

Mais en la fin s'en set bien Dieus vengier :

Encor parut ceste fois au Cahaire. 32

v Princes avers ne se doit avancier, Car bien douner toute valour esclaire ; Ne leur vaut riens samblant de tournoier S'il n'a en aus de larghece essamplaire ; 36

Mais qant amour en loial cuer repaire, Tel l'atire k'i n'i a k'enseignier ; Pour ce le fait bon servir sans trechier, Car on en puet de tous biens a chief traire. 40

vi Quens de Flandres, por qu'il vos doive plaire, Mon serventois vueill a vous envoier, Mais n'en tenez nul mot* en reprovier, Car vos feriez a vostre honor contraire. 44