VI. — Bien mostre Dieus apertement

par MONIOT (?).

i Bien mostre Dieus apertement Que n'ovron mie a son plaisir, Quant si vilment nos lait honir En Albigois, ou a tel gent Qui de nului ne se defent Qui en chanp les puisse tenir.

Or i sunt mort nostre parent, Et nos font la terre gerpir.

ii Trop vit clergiez desloiaument ; Par tôt lo mont voi Deu traïr ; Sa grant besogne fist périr Outre mer, n'a pas longement, Que nostre haut conquierement Fist tôt en perte revertir.

Encor m'en met ou jugement Au boen roi qui n'en doit mentir.

ni D'umilité n'i a noient ;

Lor orguel ne puet nus sofrir.

Tôt vuelent lo monde saisir Par lor escomenïement.