N°:XX

Instructions aux ambassadeurs près du Pape [1323].

Ce sont en grus les choses et les articles les quiex les messages qui iront de par nostre sire le roy a nostre saint pere le Pape li diront et li exposeront :

Premierement commant les messages du dit nostre saint pere anvoiez au roy apres que il li orent presenté la bulle du dit saint pere, mises avant moult de paroles gracieuses, amiables et sages si comme il le sorent moult bien fere, il distrent que se il plaisoit au roy nostre sire que monseigneur de Valoys entrepreist le voiage a la mi aoust qui viendra a ceste pruchainne mi aoust en deus anz et au dit mons. de Valoys a le entreprendre et le faire, que le dit saint pere demaintenant feroit de l'argient que il a receu du marquis et des levées de l’eglise deanz dis galies et les despens autres necessaires et convenables pour ce a garder la mer que nulles choses ne fussent portées aux ennemis.

Item que il donroit deus disiemes a lever par les ordinaires sanz contrainte seculiere a paier, c'est assavoir en cest pruchain an a venir demi disiesme, et l’année ensivant l’autre disiesme et demi en monnoies qui courront lors. Et seront les diz disiesmes livres et baillez par les ordinaires au commandement mons. de Valoys pour faire les appareillemenz necessaires dedanz le dit terme pour le dit voyage.

Item les dis messages exposerent et distrent que le pape, eu seur ce deliberation et conseil, ot avisement que pour faire le dit voiage il convenoit bien que messire de Valoys menast aveuques soy quatre mile hommes d'armes et oultre mil hommes d'armes lesquiex seroient les Hospitaliers des biens du Temple et de l’Hopital et que il menast aussi quinze mile hommes de pié, et estoit s'entention et son conseil que le dit mons. de Valoys ne deust pas faire le dit voiage a moindre nombre de genz quar a l’onneur de Dieu, de l’eglise et de lui il ne le porroit a moins faire ne il ne plairoit pas au dit saint pere que il le feist a moins.

Item il distrent que le dit nostre saint pere avoit eu avisement et deliberation que il estoit chose convenable que le dit mons. de Valoys aveucques les dis hommes d'armes demorassent jusques a l'espace de cinc anz par dela et avoit bien eu le dit saint pere avis et regart des choses qui falliroient pour le voyage dessus dit selonc le temps et le nombre des personnes dessus escriptes, c'est assavoir xI1 cenz mile livres chacun an,

Item distrent que pour les choses dessus dites le dit nostre saint pere octroieroit au dit mons. de Valoys un disiesme sur les eglises du royaume de France a lever par la main des ordinaires si comme dessus est dit chascun an des cine anz dessus diz que il demorroit ou dit voiage.

Item il octroieroit lais faiz et a faire pour touz pais pour la sainte terre et les indulgences et feroit metre troncs par les parroisses pour ceuls qui y voudroient mettre et ou cas que li diz messire de Valoys entreprandroit la besoigne et se trairoit par devers le dit saint pere, le dit nostre saint pere octroieroit plus granz indulgences.

Item il distrent que il estoit bien l’entention du dit saint pere que le dit mons. de Valoys auroit a sa ayde oultre les aydes dessus dites sis cenz hommes d’armes les quiex li marquis y doit mener et auroit aussi en sa ayde les autres qui y iroient ou anvoieroient par leur devotion.

Les messages du roi nostre sire devront respondre et dire einsi comme :1l s'ensuit.

Premierement commant le roy et mons. de Valois sont mout liez de la grant et bonne volenté que il voient que nostre saint pere a pour le saint veage et grant esperance ont en Dieu que parmi s’ayde et son adrecement la besoigne vendra a tel fruit qui sera agreable a Dieu et profitable et honorable a toute sainte Crestienté.

Item il diront la grant et bonne voulenté que le roi et mons. de Valois ont en la besoigne et que de nule chose qui leur peust avenir en cest siecle il n’auroient si grant joie.

Item 1l diront et monstreront a nostre saint pere, comment il, par grant deliberation a avisé que a faire le dit veage seroient necessaires ut hommes de cheval aveques mil a prendre sur les biens du Temple et de l'Ospital et xv" hommes de pié, et plus petit nombre ne se pourroit faire a honour de Dieu et de la Crestienté ne au profit de sa besoigne.

Item l'en eu avis que pour le dit nombre de personnes a faire le dit veage pour chacun an que il demourront par dela senz les choses necessaires pour eux apareiller seront bien necessaires xn° mil livres.

Item que outre les frez dessus diz pour les gienz d'armes et pour l'apareillement et pour l’estat du cheveteine et pour les retourz des chevax et pour dons necessaires a messages et a espies et pour autres choses necessaires pour le cheveteine faudroit bien ou convendroit n° mile livres.

Item que l'offre que le dit nostre saint pere a faite pour le dit veage laquele ne se monte pas y a si grant somme comme il entendoit d'assez, sera bien necessaire pres ou environ pour l’apareillement du dit veage.

Item que par les choses dessus dites il apert manifestement la grant somme qui demourra a trouver et a pourchacer outre la dite offre selon le dit nombre lequel nostre saint pere veit bien que sera necessaire au dit veage, c’est assavoir xn° mile livres et plus.

Item comment le roi nostre sire pour la grant devotion et la bonne voulenté que il a au dit veage y a offert et offre du sien propre m° mile livres.

Si diront les messages au pape que le roy regarde que traire si grant somme d'argient chacun an hors de son roiaume aveques les frez, les couz et despens que feront prelaz, barons et autres personnes du roïaume qui iront par devotion et les autres qui demorront, lesquiex frez et couz seront touz pris ou roiaume, que ce ne seroit mie legier estrere si grant somme hors du roiaume, consideré les frez et coustemenz que le roiaume a eu a souffrir Ça en arriere si comme chacun set; et onquore suppousé que ce peust estre, si semble il que le roi ne le devroit pas souffrir pour les perilz qui en pourroient venir. Et outre ce diront les messages que ceste besoigne ne touche mie soulement le roiaume de France mais touche toute la Crestienté, pourquoi il ne sembleroit mie par equité ne par raison que toute ceste besoigne se deust faire aus coustemenz du roiaume de France maement ou cas que le roy et mons. de Valoys y metront leur cors et leur enfanz; et diront onquore que comme le pape ait plus regardé et consideré en ceste besoigne que nul autre que il vueille regarder aucune bonne voie qui ne soit pas si cousteuse ne si perilleuse au rolaume comme dessus est dit ; et si le pape se voloit descloire par aucune voie que il moustrast si oissent sa voulenté, et se il ne vouloit descloire il pourroient dire que

ceste besoigne touche tout Crestienté aussi comme le roiaume de

France et que combien que le roiaume soit pou de chose a comparation de toute Crestienté, neantmeins le roy pour la devotion que il a au dit passage voudra souffrir que aveques les cors de lui et des siens, que il y metront, la moitié de la somme dessus dite pour les diz coustemenz soit prise ou roiaume de France. Et si le pape voloit dire que 1l se merveille comment le roy debat ceste mise de quoi la gregneur partie est prise des eglises et des indulgences, les messages pourront repondre que ! des indulgences et des lays est une incertaineté et avecques ce

4. La première rédaction de cette ligne, était : « que c'est voir, mais toutes voies ».

tout seroit trait du roiaume et que les biens du roiaume de quelques lieus que il soient pris de roison et de droit ne deivent estre traites hors du roiaume en prejudice et subversion d’icelui.

Au verso ! : Item les mesages du roy mout sagament et aviseement porront tosjorns dire et montrer la charge de la chose et toz jorns demander et atendre l'avis du saint pere quar la charge grans et evidens parlara tous jorns pour eus.

Item ne se oblien pas comment le seint pere en a some le roy sovent et que mes que il commensast et entrepreist la chose le saint pere fareit tant que la chose se parfaroit.

Super consilio habito apud Gisortium.

(A. N., J 1026, n° 34 bis.)

[Le n° 34 est semblable, quant aux paroles des messagers du Pape, au n° 34 bis; mais les instructions du roi diffèrent assez sensiblement, les voici :]

Premierement commant li rois et messire de Valois sont moult liez de la grant et bonne volenté que il voient que nostre saint pere le Pape a pour le saint voiage et grant esperance ont en Dieu que parmi sa ayde et son adreicement la besoigne viendra a tel fruit qui sera aggreables a Dieu et proffitables et honnorables a toute la sainte Crestianté.

Item il diront la grant et bonne volenté que li rois et messire de Valois ont en la besoigne. ' |

Item puis il parleront sur les offres en montrant que nostre saint pere le Pape set bien commant il convient granz despens, granz missions et grant charges a faire et entreprandre le dit voiage selonc le grant nombre de genz que li diz nostres sainz peres dit que il y convient et commant les dites offres sont petites au regart des charges, quar quant aus disiesmes par avanture nostre saint pere le pape entant, quar einsi dient aucun qui l'ont entendu de luy que les disiesmes montent chascun an cinc cenz mile livres et ils ne montent fors que deus cenz et cinquante mile.

Item les lais et les indulgences sont choses non certainnes ne ne peut l'en estimer que elles vaudront et par avanture vaudront trop moins que l'en ne cuide. Et aveuques ce toutes les offres que nostre saint pere ouffre et autres voies que li rois y auroit a prandre seroient sur ce que tout se preist et levast ou roiaume de France.

1. Cette addition au verso est dela main qui a corrigé le rouleau à plusieurs reprises.

Or set bien nostre saint pere que li rois est nouviaus ou roiaume et y peut avoir poi d’esploiz et de revenues en si poi de temps, consideré les charges que il a eues el soustenues, et si set bien le dit saint pere les charges que li diz roijaumes a eu ça en arriere pour les guerres et les autres plusieurs causes et combien que, la merci Dieu, li roiaumes de France puisse assez et touz jours porra, se Dieu plaist, toutevoies set bien nostre saint pere le Pape que il affiert bien que il demeuret garniz mesmement pour toutes avantures qui porroient avenir et la dite sainte besoigne ne touche mie seulement le dit roiaume ainçois touche toute la Crestianté.

Item il ne seroit pas seurtez ne profliz de la dite besoigne que li rois ne messire de Valois empresissent la dite besoigne se il ne savoient bien avant certainement ou se pourroient prendre les diz despens et missions, ne le dit saint pere ne le conseilleroit ne voudroit.

Si supplieront a nostre saint pere de part le roi et de part mons. de Valois que il veulle aviser voies et manieres par lesquelles et commant les dites missions se puissent certainement lever et trouver.

Et se nostre saint pere disoit que il cuidoit avoir avisées bonnes voies et toutevoies, se il li montroient autres voies il les orroit volenüiers et se ce estoient voies convenables si y entendroit volentiers, lors auroient a respondre les messages que les voies que il a touchies, li rois tient a bonnes, mes elles sont non certainnes si comme dessus est dit et fort seroit par telles voies non certainnes prandre si grant charge certainne. Quant a trouver autres voies respondront que nostre sainz peres li Papes les saura mieuls considerer quar plus y set et si y a plus pansé, et set aussi que ceste besoigne touche touz les roiaumes de la Crestianté, si sambleroit que l’en devroit prandre ayde a ceste besoigne sur les autres roiaumes tant sur personnes de eglise comme sur autres et ou cas que il verroient que li papes ne voudroit ouvrir autres voies et que par avanture il chargeroit le roi et mons. de Valois en disant ou demandant que il y mettroient, lors devroient respondre que li rois pour la grant affection et la grant volenté que il y a voudra volentiers et li plaira que par les aydes que le dit saint pere fera tant sur les eglises quant des lais et des indulgences que par toutes les bonnes voies que l'en porra trouver et pourchacer, tant du denier de la livre que autres, que la moitié de la somme et des charges dessus dites soient prises et levées au roiaume de France et l’autre moitié par la pourveance de nostre saint pere soient prises et levées sur les autres roiaumes par la pourveance du dit nostre seint pere.

Au verso : Et est l'entente du roi nostre sire que ou cas que il voudra

en sa personne entreprandre cest voiage que il en sa personne le face, et ou cas que il le feroit en sa personne ne entent il pas a demander que la moitié que li Papes prandra sur les autres roïaumes soit plus granz que la moitié de la somme dessus dite ne monte, ançois sera contenz de la dicte somme se li Papes n’y vouloit lors plus mettre de sa bonne volenté.

Avisement si les mesages regracieront et mercieront le dit nostre seigneur le Pape de ce que il li a otraié indulgence de paine et de coupe de cas ou quel mons. de Valois enprendra le dit viage.

Item a savoir est si il diront quar il convendra plus grant somme d’argient pour la personne mons. de Valois outre la somme des gienz d'armes pour ce que il li convendra selon son estat soustenir plus granz frez, plus granz despens et plus granz charges.

Vu et lu, en Sorbonne, le 16 mars 1898, par le Doyen de la Faculté des Lettres de l’Université de Paris.

À. Himzy.

Vu et permis d'imprimer, Le vice-recteur de l'Académie de Paris,