XI. — PROCLAMATION ROYALE (AOUT 1297) 8â

soventfoez de ses gentz, laquele chose lui ad convenu fere par encheison de guerres qui lui unt esté meues * en Gascoyne, en Gales, e en Escoce e ayllurs, des queles il ne poeyt lui ne son reaume défendre saunz eyde de ses bones gentz; dunt il lui poyse mult qu'il les ad taunt grevez e taunt travaillez, e leur prie qu'il lui en voyllent avoir pur escusé, com celui que ad les choses mises, ne mye pur achater terres, ne tenementz, ne chasteus, ne viles, mes pur défendre lui e eux meismes e tut le reaume. E si Dieu luy doynt jamraes- returner du veyage qu'il fait ore^, il voet bien que tuz sachent q'il ad volenté e graunt désir de l'amender bonement à la volenté de Dieu e au gré de sun peuple, taunt avant cum il devera. E s'il avenist q'il ne returnast mye, il bye ordener que son heir le fera ausi com s'il meismes returnast, de ceo que fera amender, car il seit bien que nul n'est taunt tenuz au reaume ne de amer les bone* gentz de sa terre com il meismes. D'autre part, puys qu'il ont enpris ^ de passer la outre pur eyder le conte de Flandres qui est son aliez , e nomement pur mettre en la busoygne de lui e de sun reaume tele fin com Dieu vodra (kar meuz vaut de mettre fyn en la busoygne au plus tost qe hom purra qe de languyr ensi longement) les graunt seygneurs qui nadguers furent a Londres ove lui, pur ceo qe il virent bien qu'il ne poait ne se puit si graunt chose pursuier ne maintenir du sien ^ e qe le veyage est si hastif pur le graunt péril en quey les amys le Roy de delà sont, par lesqueus, s'il pardissent, le reaume purrait cheyir en graunt péril après, qui Dieu défende; e pur aver le confermement de la graunt chartre des fraunchises d'Engleterre e de la chartre de la forest, lequeu confermement le Roy leur ad graunté bonement, si li graunterent un commun