C. Bbmont. — Chartes de* libertés anglaises

ercevesk de Caunterbur. e plusours eveskes d'Engleterre vindrent au Roy e luy prièrent qu'il peussent parler as ditz contes, e le Roy lur graunta ; par quoy le dit ercevesk e les autres prelatz prièrent as ditz countes q'il lur faissent asavoir ou il lur plerroit de venir pur parler a eux; e les contes lur remaunderent par lur lettres qu'il serroient a Waltham le vendredi l'endemayne de la feste seint Jak *. Au queu jour les ditz ercevesk e eveskes vindrent à Waltham ; c le ditz contes ne vindrent mye, mes enveyerent iloeqes mons. Roberd le fiz Roger e mons. Johan de Segrave chivaliers, qui distrent de par les contes qu'il n'y purroyeut venir adunk par aucunes resuns. E pus, a la prière des dits prelatz e des ditz chevalers qui viendront au Roy a Seynt Auban le dimaynche^ procheynement suant, le Roy graunta sauf conduyt as ditz contes e en baylla ses lettres a ditz chivalers contenentz suffisent terme denz lequel les ditz contes peussent sauvement e sur sun conduyt venir au Roy e demorer e returner; e ovesques celés lettres se départirent les ditz chevalers du Roy a celé foiz ; mes unques puis les contes au Roy ne vindrent ne enveyerent, ne uucore ne venent ne enveyent, que le Roy sache.

Ore puit estre qe aucunes gentz unt fait entendant au pueple qe les contes mustrerent au Roy certeins articles pur le commun profit du pueple e du reaume, e qe le Roy les deveit aver refusé e escundit tôt outre ; de quey le Roy ne set reiens^, fcar riens ne lui mustrerent ne ne firent mustrer, ne ne seit pur quey il se retrestrent, entz entendi de jour en jour qu'il venissent a lui.

Entre les queus articles contenu est, a ceo qe hom dit, de acunes grevaunces que le Roy ad fait en sou reaume, les queles il coneyt bien, com des aydes qu'il ad demandé