XVI
Pag. 21, 151.
Il faut visiter les xiv stations sans interruption.
Emi ac RmiDD. — In Gallia plurimi fideles persuasum habent, se lucrari posse Indulgentias Vice Crucis, dummodo quatuordecim stationes visitent in uno eodemque die, etiam non uno tractu, sed interposito majori minorive inter stationes intervallo. Item putant pro libitu vel commodo dividi posse Rosarium B. M. Virginis.. ita ut acquirantur tum indulgentiæ annexæ recitationi quotidianæ unius coronæ, dummodo intra diei spatium, licet non uno tractu, sed diversis temporibus, recitentur quinque denaria, tum indulgentiæ spéciales sodalitatis SSmi Rosarii, dummodo intra hebdomadam quindecim denaria recitentur, licet in plures quam très partes dividantur
Hæc autem interpretatio plurimum favet pietati spiritualique utilitati multorum utriusque sexus fidelium tam regularium quam sæcularium, qui devotis hisce exercitiis uno tractu absolvendis, ut plurimum, impares, indulgentiis ipsis annexis, cum suo animarumque in purgatorio detentarum dispendio, quam sæpissime frustrarentur, nisi eas modo superius exposito lucrari possent.
Cum vero exortum sit ea de re dubium ex eo præsertim quod contraria videatur doctrina , necnon praxis Romæ vulgo recepta, ad SSmum Dnum Nostrum Pium Papam IX humillimæ porrectæ sunt preces, ut ipse, suprema sua auctoritate quæstionem dirimere vellet, et quatenus supradictam interpretationem veritati consentaneam non judicaret, benigne concedere dignaretur, ut deinceps, modo jam exposito, acquiri possent Indulgentiæ tum Viæ Crucis tum SS. Rosarii.
Porro Sanctissimus Pater Episcopo cuidam ad hæc respondere dudum dignabalur, se quidem iis personis quæ ipsum Episcopum rogaverant ut a Sanctitate Sua ea de quibus supra enixe expostularet, vel quæ ea de re ipsum postea interrogarent , facultatem SS. Rosarium recitandi, necnon sanctum Viæ Crucis exercitium peragendi eo modo qui in precibus supra expositus fuit , quando aliter, status sui occupationibus præpediti, facere non possent , benigne concedere, quin tamen hanc suam concessionem scriplo signandam censuerit , generalem vero facultatem, quæ omnibus suffragetur fidelibus, nequaquam.
Quæ cum ita sint, et maxime intersit fidelium, præcipueGallorum, commodo, ut hac in re omnis, si quæ sit, erronea de medio tollatur opinio, præsertim ubi hæc pretioso Indulgentiarum thesauro, ne acquiratur, officiât, placeat , quæso , Eminentiis Vestris Rmis opportunam emittere decisionem , quæ utilissimam fidelibus fore nemo non viderit.
Et Deus, etc.
Galltarum. Cum in sacra Indulgentiarum sacrarumque Reliquiarum Congregatione , ex supranunciatis precibus proposita fuissent dubia :
1 . An fideles lucrentur Indulgentias Viæ Crucis dummodo quatuordecim stationes visitent in uno eodemque die, etiam non uno tractu, sed interposito majori minorive inter stationes intervallo? Item, an pro libitu vel commodo dividi possit Rosarium R. Mariæ Virginis, ita ut acquirantur tum Indulgentiæ adnexæ recitationi quotidianæ unius coronæ dummodo intra diei spatium , licet non uno tractu, sed diversis tempor&us, recitentur quinque denaria, cum Indulgentiæ spéciales sodalitatis SSmi Rosarii, dummodo intra hebdomadam quindecim denaria reciten-
tur, licet in plures quam très partes dividantur? Et quatenus négative :
