Signature autographe de Louis I er , duc d'Anjou, régent

Instructions de févèque de Langres et de messire Jean de Rye, envoyés vers le comte de Foix.

Instructions baillées par le Roy et son Conseil à l'évesque de Lengres 1 et à messire Jehan de Rye, sur le fait de leur légation 1 .... toichant le conte de Foix*.

Premièrement, ilz salueront ledit conte de par le Roy ausi comme ilz le sauront bien faire, et li présenteront les lettres de créance de par le Roy.

Item, li diront la grant amour, affection et confiance que le Roy darrain passé avoit à lui et ausi à cestui de maintenant, et le doit bien avoir, actendu le lignaige et l'affinité estant entre eulx et leurs prédécesseurs.

Item y li diront que le Roy a grant volunté de garder, conserver ladicte bonne amour et affection estant entre eulx, et pour ce qu'il sceyt bien que ledit conte avoit grant amour et affection singulière à son père, que Dieu absoille, et apparoit bien pour les bons et grans services qu'il li avoit faiz ou temps passé, il envoyé les messaiges dessusdiz par de là, pour lui prier que la personne du Roy, de monseigneur de Valoys, et les besoignes de lui et de son royaume et ses pais, il les voussit avoir à cuer, et ledit pais de Langue* Doc voussit aidier et conforter en la menière qu'il appartient.

i . Bernard de la Tour. — 2. Un mot effacé.