CHAPITRE CXI
Comment le duc de Bourgongne se saillit de la ville de Lille et alla en Allemagne à petite compagnée, pour lc fait du vœu qu’il avoit fait d'aller en Turquie.
Aprés lesdites fiançailles ainsi faites, le duc de Bourgongne fut adverty que l’empereur d'Allemagne et plusieurs autres roys, grands princes et seigneurs, tant des marches des Allemagnes comme sur les frontières des infidelles, faisoient et levoient de grandes armées et assemblées de gens de guerre, chacun selon son possible. Et pour en estre asseuré, il conclud d’y aller en personne; ct auparavant son despart, il délibéra d'aller èsdits pays à pelite compagnéc. Pour lequel subjet, il partit incognu de sadite ville de Lille, le vingt-quatriesme jour dudit mois de mars, un jour de samedy, à cinq heures du matin, lui trentiesme; entre lesquels il avoit seulement à sa suite, de nom et de marque, messire Simon de Lalain, Philippe Pot, et Jean, bastard de Renty, chevaliers. Il alla ce mesme jour au giste en sa ville de Quesnoy-le-Comte , en Haynault; ct avoit auparavant son despart ordonné, que le mardy ensuivant, qui fut le vingl-septiesme jour dudit mois, 1l fut publié en son hostel et par ses pays, que tous ceux de sondit hostel qui avoient accouslumé d’estre à gages, quels qu’ils fussent, fussent rayés l’espace de deux ans entiers ; ce qu'il fit, pour ce qu'il lui sembloit que dedans ledit temps il auroit bien fourny etaccomply le vœu dont ci-devant est faite mention; et par ceste ordonnance, il pouvoil bien espargner, notablement par chacun mois, plusieurs milliers de francs, qui estoient une grosse finance ; laquelle il avoit intention d’employer pour accomplir et parachever son cntreprinse. Desquelles ordonnances, quand elles furent publiées, ct que son despart fust sceu, qui avoit eslé si soudain et tenu si secret, plusieurs en furent fort esmerveillés, espécialement ceux qui estoient aux susdits gages.
Quant à ses archers du corps et autres serviteurs, qui l’avoientservylong-temps, elauxquels on debvoit de grands arrérages de leurs gages, ils disoient que, puisqu'ainsi on leur vouloit faire ce lraitement, on les deubt avoir payés de ce qui leur cstoit deu, car il leur sembloit que c’estoit un cstrange congé donné. Mesme aucuns d'eux disoient, comme par désespoir, qu’ils iroicnt servir, les uns en Angleterre, les autres en autres marches. Néantmoins la chose
s’entrelint long-temps ; ct ne voulut souffrir lesdites ordonnances cestre publiées, jusques après son despart susdit, pour ce qu’il redoubtoit et appréhendoit les requestes d’un chacun. D'icelle ville du Quesnoy, il tira en toute diligence en son pays de Bourgongne!, où il avoit aucunement affaire; et lui sembloit que de là il auroit plus souvent des nouvelles des armées qu’il entendoit que les susdits princes faisoicnt pour aller sur les infidelles; car son intention esloit de se trouver à la première besongne, ayec si grand nombre de gens de guerre, qu'il pourroit bien fournir et accomplir sondit vœu. Et ordonna que son fils, Ile comte de Charrolois, demeurcroit en ses pays pour les règir el les gouverner, en le commetlantson lieutenant général. Or, pour aucunes affaires qui cstoient suryenucs ès pays de Ilollande, icelui comte de Charrolois y alla assez peu après Le despart de sondit père.
En ces mesmes jours, le duc de Clèves, nepveu dudit duc, partit d’icelui licu de Lille, et tira en sa duché de Clèves; et fut conduit hors ladite ville, par le come d’Estampes, accompagné de grand nombre de chevaliers et escuyers. Et ainsi chacun tira en sa marche, sauf ceux qui furent cl estoient ordonnés pour estre et demeurer avec ledit comte de Charrolois.
