CHAPITRE CI

Comment le comte de Charrolois espousa la fille du duc

de Bourbon.

Après que leduc de Bourgongne fut retourné de son voyage d'Allemagne, et qu'il se trouva en la ville de Nevers , avec les scigneurs et dames dont ci-devant je vous ay touché, qu’il fut bien asseuré que le roy Charle: estoit très content de l’allianc» du comte de Charrolois, fils

dudit duc, et d’Ysabelle, fille du duc de Bourbon, il escripvit hastivement lettres à la duchesse de Bourgongne sa femme, qui lors estoit en sa ville de Lille, par lesquelles il lui mandoit : qu’inconlinent après la réception d’icelles, elle fist ledit comte de Charrolois et ladite Ysabelle, espouser l’un l’autre. En obéissant auxquelles lettres, ladite duchesse, droit la nuit de la Toussaints de cest an mil quatre cents cinquante et quatre, les fit espouser. Et pour l’absence d'icelui duc, auxdites espousailles il n’y eut guères de bruit, ne de gens présents. Et quand ces nouvelles furent espandues par tout le pays, le peuple estoit fort esmerveillé pourquoy 1il‘y avoit eu si petite feste et solemnité. El mesme ceux de Paris, el plusieurs du royaume de France, eussent mieux aimé que ledit comte de Charrolois eust encore espousé une des filles du roy Charles, combien qu'auparavant il avoit eu madame Catherine de France, qui trespassa à Bruxelles, comme vous avez ouv ci-devant. Toutesfois le dimanche, nuit de la Saint-Martin ensuivant, qui fut le dixiesme jour d'octobre, fut faite en ladite ville de Lille une grande feste, pour la solemnilé de ces nopces, où il y eut plusieurs joustes qui se firent par de grands seigneurs, chevaliers et escuyers des pays dudit duc, avec autres esbattements par les bourgeois et autres gens de ladite ville ; auxquelles joustérent ledit comte de Charrolois. monseigneur Adolf de Clèves, cousin germain dudit comte, et An- (hoine, bastard de Bourgongne, qui se trouvèrent sur les rangs très richement houssés et parés ; et, pour ce jour, gagna le prix du mieux joustant, un jeune cscuyer, nommé Guyot d'Ouzy.