CHAPITRE Ci

Comment les ambassadeurs que le duc de Bourgongne avoit envoyés à Franquefort pour le fait des trefves retournérent devers le duc, et ce qu'ils y firent.

Pendant la feste desdites espousailles, arrivèrent en ladite ville de Lille un chevalier nommé messire Pierre Wast, et un docteur en {héologie, nommé maistre Jacques d’Ostende, qui par ledit duc de Bourgongne, avoicnt eslé envoyés en ambassade en la ville de Franquefort, en Allemagne, à la journée qui s’y estoit tenue à la Saint-Michel dernier passé, et dont ci-devant je vous ay touché et parlé. Et firent leur rapport : qu’en icelle ville s’estoient rencontrés plusieurs grands seigneu rs ambassa-

deurs, tant de l’empereur, du roy Lancelot, qui est roy de Honguerie et de Boesme , comme du roy d’Arragon, du duc Louys de Bavière, et de plusieurs autres des marches d'Allemagne; lesquels avoient tous pleine puissance, de par leurs maistres, pour besongner et travailler à icelle journée, sur le fait et l’entreprinse qu’on avoit encommencés pour faire résistance aux infidelles. À laquelle journée il fut conclud de mettre garnisons ès frontières contre le Turc, de quarante mille combattants, qui se prendroient sur les marches de l'Empire; et 1l fut ordonné aux ambassadeurs sus-nommés, que ledit duc de Bourgongne, leur maistre, livreroit pour sa part quatre mille combattants de pied, etdeux mille de cheval.El en tant quetouchoit l'ambassade qu'ils avoient faite par-devers ledit roy Lancelot, de la part d’icelui duc pour avoir trefves, au sujet du desbat qui estoit entre eux, pour la duché de Luxembourg qu'icelui roy Lancelot maintenoit lui appartenir, ilsrapportèrent: que leditroy Lancelotavoit octroyé et accordé ces trefves audit duc de Bourgongne , et à ses pays et subjects, pour le terme el l’espace de trois ans, en se monstrant de bonne volonté pour faire résistance audit Turc.