CHAPITRE III

Comment le roy Charles fit gucrre en la ville de Metz, en Lorraine.

En ceste mesme année mil quatre cents quarante et quatre, assez tost après que le dauphin , premier fils du roy de France, fut avec sa compaignée parti de Tours, pour faire son voyage ci-dessus mentionné , afin d’aller en Al-

lemagne, le roy rassembla en peu de jours très grand nombre de seigneurs el gens de guerre, de plusieurs de ses pays, avec lesquels il tira par diverses journées devers Troyes en Champagne, et ensuite devers le pays et marches du Barrois et de la Lorraine. Alors estoient en sa compaignée le roy de Sccile et monscigneur Charles d'Anjou, ses beaux-fréres; en faveur duquel roy de Secile, icelui roy de France faisoit ce voyage, sur l'intention et le dessein, comme il esloit commune renommée, de prendre et réduire en son obéissance la ville et cité de Metz, ct autres villes et forteresses d’icelui pays, contre lesquelles ledit roy de Secile disoit avoir querelle juste et raisonnable, pour certaines causes qui trop longues seroient à déclarer. Pareillement, ledit roy de France et ceux de son conseil entendoient, quant à eux, faire guerre à bon titre, disants qu'icelle ville cet cité, de très long-temps et d'ancienneté , estoit ct debvoil estre tenue soubs la souveraineté de la couronne de France. Mais nonobstant les besongnes dessusdites , il fut conclu ct délibéré d'envoyer devers eux, pour les sommer à ce qu'ils fissent féauté et hommage au roy de France, ainsi que tenus y estoient. A laquelle sommation ils ne voulurent aucunement obéir, ni bailler response qui fust agréable; et par ainsi incontinent le roy, par grande délibération de son conseil royal, conclud et ordonna de leur faire la guerre.

Alors furent envoyés plusieurs capitaines , et avec eux grand nombre de gens de guerre, ès vaux de Metz ; lesquels en assez peu de jours y firent de grands dommages de feu et de sang; et si prirent de force, et par puissance d’armes, jusques à vingt-quatre ou trente forteresses qui estoient de la seigneurie et tenure d’icelle ville de Metz, lesquelles avoient pour leurs gardes des gens subjets de ladite ville, et qui suivoient leur commandement et ordonnance. Dedans lesquelles places se logèrent les François; ct, de jour en jour, couroient assez continucllement devant et aux cnvirons d’icelle ville de Metz, en leur faisant très grandes oppressions, et beaucoup de dommages, ct destruisants et ravageants les pays d'environ, par diverses et estranges manières. Dedans laquelle ville de Metz estoient plusieurs gentils compagnons de gucrre soudoyers, ainsi que de long-temps ils ont accoustumé d’avoir, lesquels faisoient très souvent plusieurs courses et saillies sur leurs

adversaires. Et advenoit souventes fois, qu'ils en tuoient , et prenojent les autres prisonniers, lesquels ils menoient en leur ville, où ils Jes noyoient, et les faisoient mourir par autre manière , sans les vouloir mettre à finance. Parcillement et le semblable faisoient les François sur eux el leurs gens.

Or, durant icelle guerre, et pendant que ces besongnes se faisoient et conduisoient en ceste manière, le roy de France, le roy de Secile, et avec eux plusieurs grands seigneurs , conclurent de se retirer en la ville de Nancy-le-Duc, ce qu'ils firent; ct y furent par assez longtemps, durant lequel ledit roy de France avoit assez souvent des nouvelles de son fils le dauphin ct des seigneurs qui estoient ès Allemagnes avec luy. Et luy estant dedans icelle ville de Nancy, se mirent en son obéissance plusieurs places, villes et forteresses, tant sur les marches de Bourgongne, comme de Lorraine et des environs, entre lesquelles en furent la cité d'Orville, Verdun, Espinal, Challencey, ct aucunes autres, dont la plus grande partie s’allèrent offrir et donner à lui de leur propre volonté et d'elles mesmes, sans à ce estre contraites; et ce faisoient-elles, soubs cspérance d’estre conduits, gardés et gouvernés soubs sa main, plus seurement et paisiblement qu'ils n’avoient accoustumé d’estre. Et chacun jour s’efforçoicnt et continuoient les capitaines ct gens de guerre du roy de France, de conquérir et approcher plusieurs forts qui estoient à ceux de ladite ville de Metz. Entre les autres, ils prinrent d'assaut, par vaillance et puissance d'armes, un fort chasteau nommé Beaufort.

Alors estoit le principal chef des troupes du roy, Pierre de Brezé, séneschal de Poictou , et avec luy Poton de Saincte-Traille ; et si y estoicnt plusieurs autres. Durant lesquelles tribulations , ceux de ladite ville de Metz linrent conseil en leur ville par plusieurs fois, pour sçavoir comment se pourroient conduire. Et disoient aucuns d'eux, qu’il leur estoit de nécessité d’y avoir regard, ct prendre provision là-dessus; car desjà ils voyoient leur pays en grande destruction, et qu’il le seroit encore plus , si ce remède n'y estoit mis.

Sur cela ils conclurent d'envoyer devers le roy, afin qu'il luy pleust leur octroyer aucune scurelé, afin qu’aucuns d'eux peussent aller de-

1 Défort.

vers luy en la ville de Nancy, pour remonstrer aucunement leur intention et leur volonté; sur laquelle requeste le roy leur octroya saufconduit, pour certain nombre de leurs gens aller devers luy en icelle ville de Nancy, durant certain temps, et de là retourner en leur ville. Sur quoy ils ordonnérent aucuns députés de par eux, qui se transportérent en icelle ville de Nancy, en laquelle ils trouvèrent le roy de France eslant en estat royal, accompagné du roy de Secile, et de plusieurs autres princes, grands seigneurs, et gens de conseil. Là, par la bouche de l’un d’eux, il fut déclaré bien au long les causes pourquoy ils y estoient venus ; entre lesquelles fut par cux dit : qu’ils estoient fort esmerveillés pour quelle cause ne à .quel titre Ie roy leur faisoit ainsi la guerre, et que desjà le pays ou la plus grande partie d’icelui esloit destruite, sans cause raisonnable, considéré qu'ils n’estoicnt point de son royaume ne de sa seigneurie, ct aussi qu’ils n’avoient oncques en leur vie fait aucune chose qui fust préjudiciable ou dommageable au roy, ne à aucun de ses prédécesseurs roys; mais au contraire, en lout temps, et espécialement pendant qu’il avoit esté en gucrre avec le duc de Bourgongne et autres ses adversaires, ils avoient receu et conforlé ses gens et bicnveillants en tout ce qu'ils avoicnt peu et sceu. Et remontrèrent en outre plusieurs causes qui leur sembloient estre bien raisonnables, pour lesquelles le roy ne les debvoit ainsi traiter avec tant de violence. À la fin de laquelle proposition ilss’humilièrent devant luy, en offrant de luy faire tous les services et plaisirs que leur seroit possible.

Quand icelle proposition eut ainsi prins fin, maistre Jean Rabotcau, président de la cour de parlement, par l’ordonnance et commandement du roy, reprint et récita la plus grand’ parlic de leur susdite proposition bien au long, contre laquelle il proposa et allégua plusieurs raisons, disant que le roy prouveroil suffisamment à l'encontre d'eux, si besoin estoit, tant par chartes que chroniques et histoires, qu’ils esloient ct avoicnt esté, de tout temps passé , subjets du roy, de ses prédécesseurs et du royaume; et combien qu'ils s’en voulussent exempter, c’estoit en allant directement contre l’authorité royale; et que ce n'estoit que fraude et déception qu'ils avoient trouvé et subtilisé d'eux-mesmes, durant les grands gucrres , divisions et tribulations que le roy de présent, et

Lan

ses prédécesseurs roys de France avoient eu, passé long-lemps, par fortune de guerre; et que le roy estoit bien adverli qu'ils estoient coustumiers de faire et trouver telles cautelles et cavillations, el comment, quand l’empereur d'Allemagne estoil venu aucunes fois ès parties de par deçà, à grande puissance et intention de les vouloir contraindre d’obéir à luy, pour leur deffense ils se disoient lors estre puement dépendants du royaume de France et tenants de la couronne. Semblablement, quand aucuns rovs, des prédécesseurs du roy de France, estoicnt venus pour les faire obéir à eux, ils se disoient lors estre de l'Empire et subjets de l’empereur. Lesquelles fraudes et cavillations ne se doivent point souffrir, ne laisser passer soubs dissimulalion par le roy. Mais cn tant que telles fraudes ct déceptions cstoient vérifiées par justes et vrayes informalions, le roy les debvoit contraindre par toutes rigueurs ct par puissance d'armes, et les faire obéir à lui ct à sa couronne; et debvoient csire punis criminellement et civilement, de corps et de biens.

Après qu’icelui président eust dit cela, et que plusieurs autres besongnes curent esté remonstrées bicn au long ct sagement, cn !a présence du roy, des princes , grands seigneurs et conseillers, qui là cstoient, il les somma el requit, de par le roy, à ce qu’ils luy fissent obéissance, et luy rendissent la ville et cité de Metz, ainsi que faire le debvoient, ct que tenus y estoient, par les raisons qu'il leur venoit de déclarer, ou autrement le roy y pourvoyroit en telle manière que ce seroit exemple pour eux et leurs successeurs au lemps advenir; et qu'ils voulussent avoir considération et esgard aux innombrables maux, pertes et dommages que le pauvre peuple avoit desjà soustenus par long espace de temps, et qu’il feroit encores, qui seroit la destruction totale de tout le pays; dont leurs consciences scroicnt grandement chargées ct empeschées envers Nostre-Seigneur , si tels maux se conlinuoient par leur coulpe.

Sur quoy iceux ambassadeurs requirent très instamment au roy d’avoir délay pour faire leur rapport à ceux de la ville de ce qu'ils avoicnt ouy, et qu’à leur pouvoir ils tiendroicnt la main pour venir à un bon traité de paix, en telle manière, qu’en peu de temps la colére du roy seroit appaisée et qu'il scroil assez content d'eux. Laquelle requeste leur fut octroyée par le roy;

et par ainsi, ils partirent delà, ct prinrent congé, pour ccstefois, le plus gracieusement qu'ils peurent, el retournèrent en leur cité. Si lairray à parler de ceste matière , quant à présent, à laquelle je relourneray en temps et lieu, et recommenceray à parler du dauphin, dont cidessus est faite mention.